Главная О районе Новости Деятельность
Карта
карта
Фотогалерея
Панорамы

№34

13.08.2010
И йикъара Кьасумхуьрел, райондин агьалийриз яшайишдин жигьетдай къуллугъдай управленида (УСЗН-да) вилериз экв таквазвайбурун собрание хьана. Анал Вирироссиядин вилериз экв таквазвайбурун обществодин Дербентдин районрин уртах отделенидин председатель Виктор Мурадова ва анин секретарь Фатима Аскеровади гьукуматди набутрин, кьилди къачуртIа вилериз экв таквазвайбурун гьакъиндай ийизвай къайгъударвиликай и рекьяй кьабулнавай законрикай, абуруз ганвай кьезилвилерикай, авай ихтияррикай гегьеншдиз суьгьбетна.
13.08.2010
Мукьвара дидевилин капиталдиз талукь законда дегишвилер гьатда. Вичел асаслу яз аялар авай хзанриз гьукуматдин патай алава куьмекар гудай 256-нумрадин Федеральный закондик кухтун теклифзавай дегишвилер Госдумади ва Федерациядин Советди дуьзбур яз гьисабна. ЦIийивилер кухтунвай закон адан уьлкведин Президентди къул чIугурла къуватда гьатда.
13.08.2010
Ктаб, газет, журнал кIелиз чир хьайидалай гуьгъуьниз за са гзаф кIанивал аваз чи лезги халкьдин советрин девирдин литературадин диб кутур къанажагълу хва, писатель, шаир, таржумачи Алибег Фатахован яратмишунар кIелзава, веревирдзава, абурукай менфят хкудзава. Адан эсерар ганвай зи хайи ерийрин тек са тIебиатдин тамам, чан алай шикилрикай, гьикьван эзберайтIани, завай жуван руьгь тухариз жезвач.
13.08.2010
52 йисуз рикIерни сирер, муьгьуьббатни уьмуьрдин рекьер сад авуна хатурлудаказ яшамиш жезвай Рафим ва Шейрихан Селимоврин хзан Кьасумхуьрел жемятди гьуьрмет ийизвайбурукай сад я. Гьавиляй и хзандиз РФ-дин Президентди тайинарнавай «За любовь и верность» медаль гунни дуьшуьшдин кар туш.
13.08.2010
Инсанар ва кьисметар – жуьреба-жуьре я абур. Инсанар ава девлетринни хазинайрин гуьгъуьна авай. Садбуруз рикI алай кIвалахди, хзанди руьгьдин таъминвал, рикIин шадвал гуда. Гьа ихьтинбурук Кьасумхуьрелай тир вичи яргъал йисара райондин судда секретарвиле кIвалахзавай Наврузалиева Маисат Насировна акатзава. Милайимвал, къени къилих, инсанвилин хесетар ада хейлин йисара райподин управляющийвиле кIвалах авур вичин дах Насиравай ва Кьурагьрин госбанкда бухгалтервиле кIвалах авур диде Маизатавай къачуна.
13.08.2010
Алай йисан июлдин ва августдин варцар гзаф чкайра, гьабурукай яз Россиядин хейлин областра, республикайра лап чимибур хьанва. Чимивал 35-40 градусдив агакьзава. Пешекарри лугьузвайвал, ихьтин чимивилер Россияда тахьана 90 йис кьван жезва.
13.08.2010
Вири чкайра хьиз, Курхуьруьн 2-нумрадин юкьван школадани 2010-2011-кIелунин йисаз гьазурвилер аквазва. И кар патал РУО-дай 15 агъзур манат пул ахъайнава. Ремонтрин кIвалахар муаллимри ва технический работникри тамамарзава. Куьруь са вахтунда ширер ягъунин, партаяр, столар, доскаяр къайдадиз хкунин ва маса кIвалахар кьилиз акъуднава. Бес кьадар шир, киреж, герек маса шейэрни хкана чкадал ала. - ЦIийи кIелунин йисуз школадиз сифте яз къведай аялар тайинарнава, абурун диде-бубайрихъ галаз гъавурда тунин кIвалах тухванва, - лугьузва школадин директор Н. Алхасова. - Идалайни гъейри, ктабрин гьакъиндай къайгъударвални авунва.
13.08.2010
«Куьредин хабарар» газетдин 26-нумрада чна ЦIийи поселокдай тир Разаханов Нисредина мукьвара Италияда ушудай кьиле фейи Европадин чемпионатда 1-чка кьурдакай хабар ганай. И йикъара Н. Разаханов чи газетдин редакциядиз мугьман хьана. Чна Европадин чемпиондивай са шумуд суалдиз жаваб гун тIалабна.
Поиск
OK
Подшивка за 2010 год
пн
вт
ср
чт
пт
сб
вс
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ALLDAG.ru