Главная О районе Новости Деятельность
Карта
карта
Фотогалерея
Панорамы

№24

4.06.2010
Гьар са республика, район, коллектив, гьатта хуьр-кIвал патални лишанлу, йисар фейитIани яргъалди рикIелай тефидай вакъиаяр жеда. Алай йисан 29-май СтIал Сулейманан район, адан агьалияр патал гьа ихьтин лишанлуди, тарихда амукьдайди хьана: райондиз Дагъустан Республикадин Президент Мегьамедсалам Мегьамедалиевич Мегьамедов мугьман хьана. Эхиримжи сеферда райондиз республикадин регьбер атай вахт агьалийрин рикIелни аламач жеди. Гьавиляй и югъ район, адан агьалияр патал халис сувариз элкъвена.
4.06.2010
2010-йисан 8-9-апрелдиз РД-дин Президентдин тапшуругъдалди, сад тир информационный йикъан сергьятра аваз, РД-дин Халкьдин Собранидин депутатар тир С. Б. Исакьовакай, К. М. Давдиевакай, И. Г. Къазибеговакай, Ф. Г. Ражабовакай, Гь. И. Мегьамедовакай ибарат десте Сулей¬ман-Стальский районда хьана.
4.06.2010
¬Дуьньяда, йисарни вахтар фирдавай, чебни куьтягь жезвай шейэр гзаф ава. Амма гьич са чIавузни куьтягь тежезвай, яни мидаим тир шейэрин кьадарни тIимил туш. Мисал яз чил, цав, рагъ, варз. Гьа ихьтинбурук тIебиатни акатзава. ТIебиат ва инсаният – абурни вири девирра сих алакъада хьана, къенлай кьулухъни жеда. ТIебиат мидаим хьиз, инсаният вилик финин атIа кьилни авач, вучиз лагьайтIа, ада са вахтундани лугьудач: акъваз, мад вилик фин герек авач. Амма гьа инсаниятдиз уьмуьр гузвай тIебиатдиз гзафбуру зиянар гузва, хасаратвалзава. Гьа ихьтин месэлайриз килигна 1972-йисан 15-декабрдиз ООН-дин Генеральный Ассамблеяди 5-июнь Виридуьньядин тIебиат хуьдай ва экологиядин югъ яз малумарна. Гьадалай са тIимил вилик Стокгольм шегьерда ООН-дин къаюмвилик кваз тIебиат хуьнин месэлайриз талукь конференциядал вири дуьньядин уьлквейриз тIебиат хуьнин, адав иесивилелди эгечIунин, тIебиат ва гьава чиркинар тавунин теклифар, меслятар ганай. Идалайни гъейри, анал гьар са уьлкве кьилиз акъудна кIанзавай гьакъикъи крарин жигьетдай тагькимарнай.
4.06.2010
8-июндиз Россиядин Федерациядин социальный къуллугърин работникри чпин пешекарвилин сувар 10-сеферда къейдда. Алай аямдин шартIара социальный кIвалах – им тек са пеше туш, им куьмек кIанзавай гьар са касдив дикъетлудаказ, къайгъударвилелди эгечIзавай агъзурралди инсанрин яшайишдин къайдани я.
4.06.2010
Цавун тагъдал нур гузвай гъетерин ишигъ сад туш. Садбуру къати ишигъ гуда, муькуьбуру- зайиф. Гьавиляй бязи гъетер муькуьбурукай хкатна аквада: абурал инсанар ашукь жеда, а ишигълу гъетерихъ галаз инсанри чпин кьадар-кьисмет сад ийиз алахъда, гьатта чпин веледрални а гъетерин тIварар эцигда.
4.06.2010
И йикъара чун Сулейман-Стальский райондин ОВД-дин патав гвай силисдин отделдин начальник (и везифаяр ада 2008-йисалай тамамарзава) юстициядин майор Р. Гь. Абукаровахъ галаз гуьруьшмиш хьана ва адавай кIвалахдихъ галаз алакъалу са шумуд суалдиз жаваб гун тIалабна.
4.06.2010
Гьар йисуз Россиядин образованидин къурулушда 5,5 миллиард доллардин кьадарда аваз ришветар гузва ва къачузва. Анжах вузрик экечIун патал гузвай ришветри 1,5 миллиард доллар тешкилзава, хабар гузва ИТАР-ТАСС-ди РФ-дин МВД-дин экономикадин хатасузвилин Департаментдин (ДЭБ) делилрал асаслу яз.
4.06.2010
И йикъара Кьулан СтIалдал Россиядин Игит Радим Халикьов рикIел хкуниз талукь яз райондин командайрин арада волейболдай турнир кьиле фена. Санлай райондин хуьрерай аниз 11 команда атанвай.
4.06.2010
Мукьвара КIварчагърин хуьре боксдай жаванрин арада Сулейман-Стальский райондин ачух чемпионат кьиле фена. Ана Къарабудахкентдин, Избербашдин, Къаякентдин, Первомайскдин, Геджухдин, Чинардин, Огнидин (2 команда ), Дербентдин (2 команда), ЛукIварин, Белиждин, Самурдин, Буткъазмайрин, Советскидин, Цмуррин, Зизикрин ва КIварчагърин командайри, санлай къачурла 141 боксерди иштиракна. Къизгъиндаказ кьиле фейи акъажунра, 10 спортсмендикай 8-да 1 ва 1-да 2-чкаяр кьур КIварчагърин команда 1- чкадиз лайихлу хьана. И агалкьунрик абурун тренер А. Межидован зегьметдин еке пай ква.
 
1
2
 
Поиск
OK
Подшивка за 2010 год
пн
вт
ср
чт
пт
сб
вс
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ALLDAG.ru