№49

За райондин къенепатан крарин работникриз ва и хиле кIвалах авур ветеранриз пешекарвилин сувар – милициядин Югъ рикIин сидкьидай мубаракзава.

Милициядин тарих, государстводин къайдаяр хуьдай органрин хьиз, чи уьлкведин тарихдихъ галаз алакъалу я. 1917-йисан революциядин къизгъин йикъара арадал атай ам жуьреба-жуьре вакъиайрив ацIанвай баркаллу рехъ фена ва адахъ еке къуватлу, техникадин рекьяй хъсандаказ тадаракламишнавай къуллугъ, тарихдин цIийи шартIара тахсиркарвилерихъ галаз женг чIугваз алакьдай, чпин кар чидай пешекарар, эдебдин ва физический жигьетдай лигим хьанвай кадрияр ава.

2-ноябрдиз «Сулейман-Стальский район» муниципальный райондин депутатрин Собранидин кьуд лагьай сеферда эвер ганвай 16-сессия кьиле фена. Адан кIвалахда райондин Собранидин депутатри, хуьрерин поселенийрин кьилери, администрациядин управленийрин, отделрин руководителри, гьакIни гьялзавай месэлайрихъ галаз алакъалу организацийрин руководителри иштиракна. Ам муниципальный райондин Кьил, райондин депутатрин Собранидин Председатель Имам Музамудинович Яралиева ачухна ва кьиле тухвана.

И йикъара, милициядин работникрин пешекарвилин суварин вилик чи махсус корреспондент РОВД-дин начальникдин заместитель, общественный хатасузвилин милициядин начальник, милициядин майор Сакаржаев Халид Абдуразакьовичахъ галаз гуьруьшмиш хьана ва адавай РОВД-дин работникар чпин суварин вилик гьихьтин нетижаяр аваз къвезватIа суьгьбет авун тIалабна. Агъадихъ чна адан суьгьбет гузва.

И йикъара райондин образованидин ва илимдин профсоюздин работникрин гьахъ-гьисабдинни сечкийрин 4-конференция кьиле фена. Анал агъадихъ галай месэлайриз килигна:

Райондин администрациядин заседанийрин залда райондин образованидин учрежденийрин руководителрин совещание кьиле фена. Анал «Райондин образованидин учрежденияр бухгалтерский учет ва гуьзчивал авун децентрализация авунвай шартIара», «КIелунин 1-четвертдин нетижайрин гьакъиндай», «Чими ийидай сезондин гьакъиндай (2009-йисан 1-ноябрдилай 2010-йисан 30-апрелдалди)», «2009-2010-кIелунин йисара щкольникрин вирироссийский олимпиадайрин гьакъиндай», «ЕГЭ-диз документация гьазурунин гьакъиндай» ва жуьреба-жуьре маса месэлайриз килигна.

Малум тирвал, РФ-дин Президент Д. Медведева, Россиядин Федерацияди жегьилрин йис тухунин гьакъиндай 1383-нумрадин Указдин бинедаллаз, 2009-йис уьлкведа Жегьилрин йис яз малумарнава. Гьакъикъатдани, жегьилар гьар гьи государстводин ва обществодинбур хьайитIани, еке къуват ва такьат я. Мадни шадвал кутадай кар ам я хьи, чи уьлкведа ва республикада хьиз, чпел дамах ийиз, чпик умуд кутаз жедай жегьилар чи райондани гзаф ава. Абурукай чи газетдин чинриз макъалаярни акъатна. Къе заз, абурукай садакай – Алисултанов Заур Замировичакай - агъадихъ куьрелди суьгьбет ийиз кIанзава.

Малум тирвал, алай йисуз чи райондин 80 йис тамам хьана. Идаз талукь яз райондин культурадин ва информациядин управлениди виликамаз тухудай мярекатрин ва серенжемрин махсус план туькIуьрна. Адан бинедаллаз кIвалахни тухузва.

Кьасумхуьруьн 1-нумрадин юкьван школадин спортдин майдандал и йикъара виликан бажарагълу спортсмен, рагьметлу Алимурад Сейфуллаевич Къазибегован гьуьрметдай мини-футболдай турнир кьиле фена. Ана райондин хуьрерин 12 командади иштиракна. Абурун арада са шумуд юкъуз къизгъин женгерни кьиле фена. Финалдиз Алидхуьруьн ва Курхуьруьн командаяр акъатна. Барабардаказ фейи къугъуна 1:0 гьисабдалди Алидхуьруьн команда гъалиб хьана ва ада турнирда 1-чка кьуна. 3-чкадиз ЦIийи поселокдин команда лайихлу хьана. Алидхуьруьн, Курхуьруьн ва ЦIийи поселокдин командайриз, талукь тирвал, 7000, 5000 ва 3000 манат пулар гана.