№47

Гьар са вахтунихъ вичиз хас лишанар, кьетIенвилер ава. Ингье, зул тамамвилелди вичин ихтиярда гьатнава. Ида хуьрерин агьалийрин, хуьруьн майишатдин карханайрин, лежбервилинни фермервилин майишатрин зегьметчийрин къайгъуяр артухарзава. Кьилди къачуртIа, алай вахтунда карханайри цIинин йисуз авур кIвалахрин нетижаяр кьазва, идахъ галаз санал, къведай йисан бегьердин бинени кутазва. Магьсулдарар патал алайди иллаки къизгъин вахт я: абурун вилик къведай йисан бегьердин бине кутун патал никIера зулун магьсулрин тумар цунин везифа акъвазнава.

Чи мублагь ва баркаван Дагъустанда зегьметдал рикI алай, гьар са гьихьтин хьайитIани шартIара ва гьар макъамда хайи ерийрин, халкьдин таъсиб хуьдай ва гьа са вахтунда маса миллетрихъ галазни дуствални стхавал мягькемардай намуслу рухвайралди машгьур я.

«НафтIадин мяденра зарбвилелди буругъар ягъунин кардик кьил кутур Социализмдин Зегьметдин Игитар тир Къурбан Аббасован, Юсиф Керимован, Мелик Геокчаеван, Гьажимурад Темирханован, Григорий Булавинан тIварар чи уьлкведа хъсандиз чида». (Советрин Азербайжандин ва Азербайжандин Компартиядин 40 йисан юбилейдиз талукьарнавай Азербайжандин Верховный Советдин ва Компартиядин ЦК-дин шадвилин заседанидал Н. С. Хрущеван рахунрай).

Инсан чIехи жезва. уьмуьрдиз гьахьзава. «Уьмуьр женг я»- лугьузва бубайри. ИкI яз хьайила, инсандиз чирвилер, алакьунар, мурадарни кIанда, дуьзгуьн гел тадайвал. Чпин къуватар, чирвилер халкь патал гузвай, баркаллу краралди чеб вирибуруз чешне жезвай инсанарни тIимил авач. Гьа ихьтин инсан я, вичин вири уьмуьр чилел зегьмет чIугуниз бахш авур Ферзилаев Насруллагьни.

Герейханово хуьруьн юкьван школа дерин чирвилер аваз куьтягьай Велибегов Сейфедин Дагъустандин хуьруьн майишатдин институтдин ветеринарный факультетдик экечIзава. Ина виниз тир стипендия къачуз кIелай жегьилди институт яру диплом къачуналди акьалтIарзава.

Алай йисуз вичин 80 йис тамам хьунин юбилей къейд ийизвай СтIал Сулейманан районда чеб тарихдин шагьидар тир имаратар, гьар са касди чпин гуьзелвилел гьейранвал ийизвай дереяр, булахар, пак чкаяр гзаф ава. Абурукай сад, гьелбетда, Кьасумхуьруьн 17 вилин муьгъ я.

Дуьньядин сообщество патал цIийи душман пайда хьанва. Ам хаталуди, инсафсузди ва фендигарди я. Адан тIварни терроризм я. Ам чакай гьар садав агатзава. Гьуьрметлу дагъустанвияр, квевай терроризмдихъ галаз женг чIугунин карда куьмек гуз ва са тахсирни квачир инсанар телеф хьунин вилик пад кьаз жеда. И мураддалди квевай шак къвезвай крарикай, агьвалатрикай агъадихъ галай телефонрай хабар гуз жеда: 67-96-97, 67-52-17. ТIвар раиж тавун заминламишзава.