№46

ТIебиатди гьар са инсандиз са къилих, са хесет ганва. Чпелай са кар-кIвалах алакь тийиз, хуруз гъуд ягъиз, чеб алай чка къалуриз алахъдай инсанарни авачиз туш.

Алискендер Абумуслимович 1898-йисуз Куьре округдин Кьасумхуьрел дидедиз хьана. Гьа ина ада сифте чирвилерни къачуна. 1914-йисуз зигьин хци жаванди Бакудин реальный училище гимишдин медалдиз лайихлу хьуналди куьтягьна ва гележегдин чирвилер къачун патал ам Петербургдин политехнический институтдин металлургический факультетдиз гьахьна. Гьеле вич студент тир йисара ада Дагъустандин чилерик квай минералар ахтармишиз хьана. Институтда кIелзавай йисара ам мадни мукьувай урусрин ва Шаркь патан шииратдихъ, машгьур алимрин кIвалахрихъ галаз таниш хьана. А девирда адаз лап девлетлу хсуси библиотекани авай. ЧIехи стха Селим Дуьньядин сад лагьай дяведин вахтунда фронтда телеф хьунихъ галаз алакъалу яз, Алискендер хзандин гьакъиндай къайгъударвал авунин мурад рикIеваз хайи ватандиз хтана.

Дуьньяда ава ахьтин инсанар, гьикьван девирар алатайтIани, халкьдин рикIелай алат тийидай. Ахьтинбурукай сад Курхуьрелай тир Гьажибабаев Шихбала Гьажибабаевич я. Дугъриданни, ам районда, хуьре, кIвале гьуьрметлу кас тир. Ш. Гь. Гьажибабаев 1916-йисуз кесиб лежбер хзанда дидедиз хьана. 1932-йисуз ада ирид йисан школа куьтягьна ва ам Дагъустандин педагогвилин рабфакдиз гьахьна, 1936-йисуз анаг куьтягьна, муаллимвилин пеше къачуна. Инал ам рази хьана акъвазнач, чирвилерихъ къаних, зигьин авай жегьилди кIелунар давамарун кьетIна. Гьа и йисуз ам Дагъустандин педагогвилин институтдин физикадинни математикадин факультетдиз гьахьна.

Районда неинки вичин хизандиз, балайриз, гьакIни вири мукьва-кьилийриз, ярар-дустариз дуьз рехъ къалурай, тербия гайи, яргъал йисара партийный ва советрин органра намуслудаказ кIвалах авур Селимов Агъахан Селимович вирида гьуьрметзавай инсанрикай сад тир. ВикIегь, камаллу бубадихъ усал хва жедач, лугьузва мисалда. Чаз алава хъийиз кIанзава: ихьтин бубадихъ усал рушни жедач. Агъахан Селимовичан руш Роза Агъахановнадин тIварни къе гзафбуру гьуьрметдивди кьазва. Райцентрадин куьчейра, идарайрин кабинетра, юкьван буйдин, лацу якIарин, сивел гьамиша хъвер алай и дишегьли гьалтайла, адав вири «Роза Агъахановна», «Роза вах» лугьуз рахада.

Хуьрерин мухбирриз гьахълудаказ газетдин даяхар лугьузва. Абуру редакциядиз ракъурзавай чпин чарара хуьрера жезвай цIийивилерикай, карханайра кьиле тухузвай кIвалахрикай кхьизва. Зегьметчи инсанрикай кхьенвай материалрини редакциядин почтада еке чка кьазва. Къенин обзорда чаз абурукай са шумудал куьрелди акъвазиз кIанзава.

ДГУ-дин филологиядин факультетдин библиотечный отделение акьалтIарай Людмила Мегьамедрасуловади I985-йисалай инихъ райондин центральный библиотечный системадин (ЦБС-дин) директорвиле кIвалахзава. И йисара анаг агьалийрин рикI алай макандиз элкъвенва лагьайтIа, бажагьат чун ягъалмиш жеда.

И йикъара райондин центральный библиотекадин кIелдайбурун залда райондин 80 йис тамам хьунин юбилейдиз талукьарна гъвечIи классра кIелзавай аялрин утренник кьиле фена. Аниз зегьметдин ветеранриз ва гьакIни райондин яратмишдай интеллигенциядин векилриз теклифнавай.

• Гевгьер тIебиидини ава, масакIа туькIуьрнавайдини. Кьве жуьрени цIархар хьуникай хуьн герек я, чебни хъуьтуьл парчадик кутуна, кьилди хвена кIанзава. Безекар - ибур тупIалар, закIалар, япагьанар, гарданда твадай, безетмишзавай, иллаки дишегьлийри ишлемишзавай затIар я. Абур, ара физ, махпурдалди михьи авун меслят къалурзава. Халисан гевгьерар (жемчуг) гъалунихъ гьар йисуз акал хъувуртIа, абурун ранг квахьдач.

ьрерин къугъунрин гьисабдай яз армспортдай СНГ-дин чемпионат кьиле фена. Санлай къачурла, ана 200-далай виниз спортсменри иштиракна. 90 килограммдилай виниз заланвал авай спортсменрин арада 1-чка РФ-дин спортдин мастер Славик Гуьлметова кьуна.