№39

Государственный Думадин депутат Нуьдуьрбегов Асанбуба Нуьдуьрбегович райондин сечкичийрихъ галаз гуьруьшмиш хьана.

Дагъустандин тIебиатдин гуьзел пипIерикай сад тир, лезги чилин яхада, багьа къаш хьиз, нур гуз акъвазнавай, машгьур шаиринни алимрин, бажарагълу регьберинни муаллимрин макан, лезги литературадин чIалан бине тир, чIехи шаир СтIал Сулейманан тIвар алай райондал, бегьерлу багъларалди, зегьмет кIани халкьаралди машгьур, лезги рушан кьве киф хьиз, кьве къвалахъай кьве вацI физвай райондин центр тир Кьасумхуьрел гуьл тушир гьи лезги ава! И чилин сагьибар тир куьревийри чеб фейи тарихдин рекье мягькем ва баркаллу гел туна.

Чи район тешкилайдалай инихъ 80 йис тамам хьунин юбилейдихъ галаз алакъалу яз «Куьредин хабарар» газетдин редакцияди «Сулейман-Стальский район»: алатай девир ва алай вахт» темадай лап хъсан материал гьазурунай чи газет кIелзавайбур патал конкурс малумарзава.

2009-йисан 27-августдиз муниципальный райондин администрациядин заседанийрин залда райондин образованидин работникрин августдин конференция кьиле тухвана. И мярекатда муниципальный райондин администрациядин Кьил Ш. Гь. Мегьамедханова, А. Тахо-Годидин тIварунихъ галай педагогикадин институтдин директор, педагогикадин илимрин доктор, академик, ДР-дин Халкьдин Собранидин депутат Гь. И. Мегьамедова, райадминистрациядин кьилин заместитель Гь. М. Гьажиагьмедова, бязи идарайрин руководителри, райондин хуьрерин школайрай атанвай векилри иштиракна.

(Эвел 36-38 нумрайра)

Районда махсус къарардин бинедаллаз эхиримжи вахтара михьивал хуьн таъминаруниз еке фикир гузва. Вири хуьрера михьивал хуьн патал субботникар кьиле тухузва, шегьре рекьин къерехра, чIехи хуьрерин куьчейра зир-зибилар вегьин патал ракьун контейнерар эцигнава ва абур вахт-вахтунда махсус чкайра ичIирзава.

20-августдиз райадминистрациядин заседанийрин залда Сулейман-Стальский райондин образованидин работникрин профсоюзрин райкомдин пленумдин нубатдин гегьенш заседание хьана. Аниз пленумдин членрилай гъейри райондин образованидин идарайрин руководителриз ва профсоюздин комитетрин председателриз теклифнавай.