№32

Террор, террорист, теракт, залукар кьун, кьиникьар, хъиткьинунар...И залум гафари эхиримжи 10 йисуз мукьвал- мукьвал чпикай хабар гузва. Виликрай абур гафарганда аватIани чидачир, рикIелни къведачир.

Малум тирвал, алай йисан августдин вацра Дагъустан Республикадин Конституциядин бинеяр чIурун, адавай вичин азадвилер ва аслу туширвал къакъудун патал адал гьужум авур бандитрин законсуз тешкилнавай дестеяр терг авурдалай инихъ 10 йис тамам жезва. Дагъустандин халкьарин кьисмет гьялзавай и четин макъамда, вилик вахтара хьиз, Дагъустандин вири халкьар, гъвечIидалай чIехидал кьван, чпин дагъвидин намус ва аслу туширвал хуьн патал туьтуьнихъ кьван яракьламиш хьанвай бандитрин- душманрин- аксина женгиниз экъечIна, абур дарбадагъна, абуруз чпин чка чирна.

И сувар хзандин гьакъиндай государстводин политика уьмуьрдиз кечирмишунин программадин сергьятра аваз чи уьлкведа 2008- йисалай инихъ къейдзава. Суварин тешкиллувилин комитетдин кьиле РФ- дин Президентдин уьмуьрдин юлдаш С.В.Медведева акъвазнава.

Мукьвара ДаркIушрин хуьруьз фейила, зи фикир школадин вилик квай, дуьз жергеда цанвай, 30- 40 метрдиз хкаж хьанвай къавах тарари чпел желбна.