№22

«... Ингье мад сад цуькверик кваз тухузва. Адахъ кьиникь галукьнава, гуьлле хьиз. Ветеранри къе гьар са югъ къачузва, Душмандив гвай эхиримжи тепе хьиз». (М. Бабаханов. «Итимрин гатфар»)

ЧIехи Гъалибвилин суварин гьуьрметдай кьетIен гьазурвилер авуна, виликамаз суварин безекри – гарал лепе гузвай пайдахри, плакатри, транспорантри – чIагурнавай. Райондин культурадин КIваляй ЧIехи Гъалибвилиз бахшнавай манияр язава. Гьар патахъай гъилера пайдахар, лозунгар, цуькверин кIунчIар, шарар аваз школьникар, хурудал нур гузвай орденарни медалар алай Ватандин ЧIехи дяведин иштиракчияр, зегьметдин ветеранар, идарайрин работникар къвезва, абуру сада-садаз ЧIехи Гъалибвилин сувар мубаракзава.

18-майдиз Дагъустандин халкьдйн шаир СтIал Сулейман хайидалай инихъ 140 йис тамам хьайи вакъиа къейд ийиза. Шаксуз, чахъ хьайи советрин девирдикай хьиз, СтIал Сулейманакай къенин йикъара са бязи инсанрин арада авай фикирарни сад хьтинбур туш.

Алатай гьафтеда, 5-майдиз, машгьур писателринни шаиррин, генералринни алимрин, кьегьал рухвайринни баркаллу рушарин макан тир Цмуррин хуьре вичихъ неинки СтIал Сулейманан район ва Лезгистан, гьакI Дагъларин уьлкве патални еке метлеб авай вакъиа – Шайдаеврин хзанди чпин харжидалди эцигнавай кIелунинни спортдин Центр (УСЦ) ишлемишиз вахкуниз ва имарат рагьметлу генерал, тарихдин илимрин доктор Мегьамед-Гьанифа Гьажибалаевич Шайдаеван тIварунихъ ягъуниз талукьарнавай шадвилин мярекат кьиле фена. Ана иштирак ийиз Москвадай, Махачкъаладай, республикадин шегьеррайни районрай чIехи дережадин руководителар, алимар, писателарни шаирар – вишералди мугьманар атанвай.

Виринра хьиз, райондин аялрин музыкальный школадани Дагъустандин халкьдин шаир СтIал Сулейманан 140 йисан юбилейдиз виликамаз гьазурвилер акваз башламишна. 30 йисалай виниз школадиз регьбервал гузвай ДР-дин культурадин лайихлу работник Къазибег Къурбанова чаз лагьайвал, чIехи шаирдин юбилейдиз талукь яз ина са жерге мярекатар кьиле тухвана, и кар давамни ийизва.

СтIал Сулейман. Тек и са тIварцIи чи рикIериз гьикьван къуват ва чим гузва! И багьа тIвар кьурла ада чи дамарра ивидин гьерекат йигинарда, чав чи къанажагьдин ва руьгьдин винизвал гьисс ийиз тада.

«Жуван халкьдиз, жуван намусдиз хьиз, вафалу жен...» Ст1ал Сулейманан

Апрелдин вацран эхирра райондин Культурадин Дворецдин банкетрин залда Дагъустандин халкьдин шаир СтIал Сулейманан 140 йисан юбилейдиз талукьарна адан шиирар ва чпи чIехи шаирдиз бахшна кхьенвай чIалар хуралай ва фасагьатдаказ кIелунин рекьяй конкурс кьиле фена. Ам райондин аялрин яратмишунин КIвалин директор Мурвет Мелагьимова ачухна ва кьиле тухвана. Къейд ийиз кIанзава хьи, и конкурсда райондин 26 юкьван школайрай 60 далай виниз аялри иштиракна.

Малум тирвал, «Куьредин хабарар» газетдин редакцияди Дагъустандин халкьдин шаир СтIал Сулейманан 140 йисан юбилейдиз талукьарна лап хъсан макъала, шиир ва гьикая кхьинай конкурс малумарнай.