5-мартдиз райадминистраци-яда чи баркаллу районэгьли, 20-асирдин Гомер СтIал Сулейма-нан 140 йисан юбилейдин мяре-катар ва санлай СтIал Сулейма-нан Йис вини дережада аваз кьи-ле тухун патал тешкилнавай оргкомитетдин сад лагьай заседа-ние хьана.
Аниз тешкиллувилин коми-тетдин председателдин замести-телрилай ва членрилай гъейри жавабдар кьилдин юлдашризни теклифнавай.
Заседание оргкомитетдин Председателдин 1-заместитель, муниципальный райондин адми-нистрациядин Кьил Ш. Гь. Мегьа-медханова ачухна ва кьиле тух-вана.
Анал чIехи шаирдин юбилей хъсан тешкиллувал аваз кьиле тухун патал фикирдиз къачунвай месэлайрикай, гьазурнавай пландин серенжемрикай, и жигьетдай гьеле авунвай кIва-лахрикай куьруь информация оргкомитетдин председателдин заместитель Гь. М. Гьажиагь-медова авуна.
Гуьгъуьнлай анал и месэладай чпи авунвай ва фикирдиз къачун-вай кIвалахрикай куьруь гафар ва бязи теклифарни гваз тешкиллу-вилин комитетдин членар тир Дагъустандин лайихлу муаллим, зегьметдин ветеран А. А. Абдул-межидов, СтIал Сулейманан ярат-мишунар ахтармишунал машгъул тир алим ва шаир Ф. Р. Нагъиев, СтIал Сулейманан КIвал-музей-дин къуллугъчи Ф. Мегьамедов, РУО-дин начальник Ж. А. Асла-нов, райондин культурадин ва информациядин управленидин начальник Т. А. Рамазанов, чка-дин телевиденидин студиядин руководитель Я. М. Ярагьмедов, и цIарарин автор ва маса юлдашар рахана.
Заседанидин кIвалахдин нети-жа Ш. Гь. Мегьамедханова кьуна.
Ада санлай кьурла гьазурлух-вилин кIвалахар лап яваш яриш-ралди вилик физвайди, юбилейдиз талукь мярекатар (межлисар, конкурсар, диспутар, «элкъвей столар», кIелдайбурун конферен-цияр) неинки майдин вацралди, гьакI йисан эхирдалди кьван тухун, гьа жигьетдай яз спортдин рекьяйни талукь акъажунар теш-килун лазим тирди лагьана. Ада гьакI Фейзудин Нагъиева жагъур хъувунвай СтIал Сулейманан 40 шиир чкадин газетда чап авунин, чIехи шаирдин яратмишунар чи руниз школайра иллаки еке фикир гунин тапшуругъар гана, вилик акъвазнавай сифте нубатда гьялна кIанзавай везифаяр тайинарна.
Гьа иналди заседаниди вичин кIвалах акьалтIарна.
