Райадминистрацияда

Гьар йисуз 22-мартдилай 5-июндалди девирда, экологиядин хаталувиликай хуьниз талукьарнавай  са жерге лишанлу йикъар къейдзава: цин Югъ (22-март), чилин Югъ (22- апрель), радиационный аварийрикди ва катастрофайрикди телеф хьайибур рикIел хкидай Югъ (26-апрель), аялар хуьнин междуна¬родный югъ (1-июнь), чун элкъуьрна кьунвай тIебиат хуьнин Виридуьньядин Югъ (5-июнь).
Серенжемрин метлеб вири субъектра экология кIвачел ахкьалдар хъувунин общественный гьерекатдиз куьмек гун, экологиядин менфятлу политика тухунин жигьетдай государстводин ва муниципальный органринни общественный объединенийрин алакъа мягькемарун я.
Винидихъ къейд авуникай хкатзавайвал ва «Элкъуьрна кьунвай тIебиатдин гьакъиндай» Федеральный закондин 10-статьядихъ ва гьакIни «Сулейман-Стальский район» муниципальный тешкилатдин Уставдихъ галаз кьадайвал къарар акъудзава:
1. 2009-йисан 15-апрелдилай 5-июндалди райондин сергьятда «Экология-Хатасузвал-Уьмуьр» лишандик кваз экологиядин хаталувиликай хуьнин гьар йисуз тухузвай Вирироссиядин Йикъар кьиле тухун.
2.  Абур кьиле тухун патал райондин тешкиллувилин комитет арадал гъин ва адан состав тестикьарин (ам агъадихъ гузва).
3. Хуьрерин муниципальный тешкилатрин кьилери, карханайрин, идарайрин, школайрин руководителри и месэладиз фикир гузвай вири къуллугърихъ, массовый информациядин такьатрихъ галаз санал чун элкъуьрна кьунвай тIебиат авай гьалдикай яд авай чкаяр, чIурар хуьнин ва гуьзчивилик кутунин, къаналар, куьчеяр зирзибилрикай михьунин, булахар, хъвадай цин чешмеяр къайдадик кутунин, абурун санитарный, цин чешмеяр хуьзвай зонаяр, вацIарин къерехар аваданламишунин, анрихъ гелкъуьнин жигьетдай агьалийрин гегьенш къайдайрихъ галаз гъавурда тунин гегьенш кIвалах тухун.
Организацийра, карханайра тIебиат хуьнин хъсан кIвалах тухунай, анрин сергьятар экологиядин истемишунрихъ галаз кьадайвал хуьнай, школайра, библиотекайра экологиядин жигьетдай гъавурда тунин к1валах тешкилунай конкурсар малумарин.
Райондин школайра «ТIебиат хуьнин», «Экологиядин чирвилерин Югъ», «Михьи яд – инсандин сагъламвилин бине я» ва маса темайриз талукьарна диспутар, конкурсар, тарсар тухун тешкилун фикирдиз къачун.
4. И къарар чкадин массовый информациядин такьатра чап ийин.
5.  Къарар кьилиз акъудунал гуьзчивал тухун «Сулейман-Стальский район» муниципальный тешкилатдин администрациядин кьилин 1-заместитель М. Гь. Агьмедован хиве тван.
«Сулейман-Стальский район» МО-дин администрациядин Кьил                                 Ш. Гь. Мегьамедханов