И йикъара райондин центральный больницада «Лап хъсан медсестра» лишандик кваз конкурс кьиле тухвана. Ана 1- чка аялар хадай отделенидин акушерка Ф.Рамазановади кьуна. 2- чкайриз дежурный фельдшер У. Къазибегова ва терапевтический отделенидин медсестра И. Гьабибулаева, 3- чкайриз хирургический отделенидин старший медсестра Д. Абдурашидова ва поликлиникадин медсестра Д.Абдурашидова поликлиникадин медсестра Б.Гьуьсейнова лайихлу хьана.
Конкурсда тафаватлу хьайи медсестрайриз ЦРБ- дин Гьуьрметдин грамотаяр ва къиметлу пишкешар гана.
- Ихьтин конкурсар, маса мярекатар чна медицинадин работникрин арада мукьвал- мукьвал тухузва,- лугьузва ЦРБ- дин кьилин духтур М. И. Ханбалаева.- Абурун метлеб духтуррин пешекарвилин, чирвилерин дережа ахтармишун ва хкажун я. Ихьтин мярекатри вичин хъсан нетижани гузва.