И мукьвара ЦБС- дин аялрин библиотекада урусрин машгьур шаир А.С.Пушкин дидеди хайидалай инихъ 210 йис тамам хьунин юбилейдихъ галаз алакъалу яз анин работникри аялрин куьмекни галаз, адан яратмишунриз талукьарна « Что за прелесть эти сказки» лишандик кваз утренник кьиле тухвана. Анал сифте аялрин библиотекадин зеведиш Тамум Загьировади чIехи шаирдин уьмуьрдикай ва яратмишунрикай куьруь суьгьбет авуна.
Гуьгъуьнлай анал аялри еке гьевесдивди шаирдин хейлин шиирар хуралай кIелна ва адан «Балугъчидикайни балугъдикай махунин» бинедаллаз фикир желбдайвал эцигнавай гъвечIи сегьне (сценка) къалурна.
Эхирдай анал «Квез А.С.Пушкинан хкетар ва абурун игитар чидани?» тIвар ганвай викторина хьана. А суалриз дуьз жавабар гайи ва утренникда тафаватлу хьайи аялриз гъвечIи пишкешарни гана.
ЧIехи шаирдин юбилейдин гьуьрметдай библиотекада «Гений истины и чести» кьил ганвай адан ктабрин выставкани ачухнавай.