Алай йисан 28-сентябрдиз «Сулейман-Стальский район» муниципальный райондин администрациядин нубатдин заседание хьана. Адан кIвалахда райондин администрациядин Кьил Штибег Гьажимегьамедович Мегьамедханова, адан заместителри, администрациядин управленийринни отделрин начальникри, къуллугъринни общественный тешкилатрин руководителри, анал гьялзавай месэлайрихъ галаз алакъалу къуллугърин пешекарри иштиракна.
Заседание райондин администрациядин Кьил Штибег Гьажимегьамедович Мегьамедханова ачухна ва кьиле тухвана.
Заседанидал агъадихъ галай месэлайриз килигна:
1. Райондин яшайишдинни коммунальный майишатдин объектар 20I5-20I6-йисарин чими ийидай сезондиз гьазур хьанвай гьалдин гьакъиндай.
2. Районда физкультурадинни сагъламвилин ва спортдинни массовый кIвалах авай гьалдин гьакъиндай.
3. Жуьреба-жуьре месэлаяр.
Заседанидал алай 1-месэладай райондин архитектурадин, эцигунрин ва ЖКХ-дин отделдин начальник М. А. Мустафаева информация авуна.
И месэладай анал РУО-дин кьилин пешекар А. Ф. Аседулаев, райондин газрин эксплуатационный къуллугъдин начальник М. Ф. Алиметов, райондин администрациядин Кьилин 1-заместитель Л. А. Оруджев рахана.
Заседанидал алай 2-месэладай физический культурадинни спортдин ва жегьилрин крарин рекьяй райондин администрациядин отделдин начальник Н. Н. Эфендиева информация авуна.
Заседанидал жуьреба-жуьре маса месэлайризни килигна.
Райондин администрациядин Кьил Штибег Гьажимегьамедович Мегьамедханова заседанидин нетижаяр кьуналди, анал гьялай месэлайрин важиблувал къейдна, гьар са месэладай кIвалахар мадни хъсанардай меслятар къалурна, талукь къуллугърин вилик тайин везифаяр эцигна.