Кьасумхуьруьн 1-нумрадин ДЮСШ-ди КIварчагърин хуьре боксдин филиал ачухна 11 йисалай виниз я. РФ-дин спортдин мастервиле кандидат Альберт Межидован гъилик вердишвилер къачузвай жаванри Республикадин ва Вирироссиядин турнирра хъсан нетижаяр къазанмишзава.
Абурукай сад Эйзудин Къурбанов я. 1-разряддин спортсмен, хейлин турниррин гъалибчи, призер тир ада и йикъара ДР-дин кIвенкIвечивал патал 2000-2001-йисара дидедиз хьайи жаванрин арада Буйнакск райондин Буглен хуьре боксдай тухвай акъажунра иштиракна. Ана Э.Къурбанов 40 киллограммдин заланвиляй приздин 3-чкадиз лайихлу хьана.
Гила Э.Къурбанова Кеферпатан Кавказдин федеральный округдин кIвенкIвечивал патал кьиле фидай акъажунра иштиракда.
Асият Мусаева