Гьажирамазан Ягъибегова Кьасумхуьруьн самбодинни дзюдодин ДЮСШ-да спортдин мастер Юрий Къурбанован гъилик вердишвилер къачуз ва вичин устадвал хкажиз 5 йис я.
И йисара жаван спортсменди самбодай ва дзюдодай районда, Кьиблепатан Дагъустанда тухвай хейлин турнирра алакьунар къалурна. ИкI, Гь.Ягъибегов Кьасумхуьрел, Дербент райондин Чинар хуьре тухвай республиканский турниррин ва Дагъустан Республикадин кIвенкIвечивал патал тухвай акъажунрин чемпион, жаванрин арада Кеферпатан Кавказдин федеральный округдин ва Россиядин Федерациядин кIвенкIвечи-вал патал тухвай турниррин иштиракчи я.