8-сентябрдиз Дагъустан Республикадин вад лагьай сеферда хкянавай Халкьдин Собранидин 27-сессия кьиле фена. Анал Дагъус¬тан Республикадин Президент хкяна.
И мярекатда Федеральный Собранидин Федерациядин Советдин Председателдин заместитель Ильяс Умаханова, РФ-дин Гьукуматдин Председателдин заместитель - СКФО-да РФ-дин Президентдин патай тамам ихтиярар ганвай Векил Александр Хлопонина, РФ-дин Центральный сечкидин комиссиядин член Сиябшагь Шапиева, Федераль¬ный Собранидин Госдумадин депутатри, по¬литический партийрин, общественный организацийрин, диндин тешкилатрин векилри, республикадин районрин ва шегьеррин му¬ниципальный тешкилатрин кьилери, теклифнавай ксари иштиракна.
РД-дин Президент РД-дин Халкьдин Со¬бранидин депутатри Россиядин Федерация¬дин Президентдин теклифдин бинедаллаз, РД-дин Халкьдин Собранидин депутатри РД-дин Президент хкягъунин къайдадин гьакъиндай РД-дин Закондал асаслу яз хкяна.
Александр Хлопонина РД-дин Халкьдин Собранидиз Россиядин Федерациядин Пре¬зидент В.В.Путинан теклиф кIелна: «Россия¬дин Федерациядин субъектрин государстводин властдин законар акъуддай, векилвалдай, исполнительный органар тешкилунин умуми принциприн гьакъиндай» 1999-йисан 6-октябрдин 183-ФЗ-нумрадин Федеральный закондин 18-статьядал асаслу яз за РД-дин Халкьдин Собрание килигун патал РД-дин Президентдин къуллугъдал хкядайвал агъадихъ галай кандидатар теклифна:
1. АБДУЛАТИПОВ Рамазан Гьажимурадович;
2. БАГЛИЕВ Малик Жамединович;
3. ОМАРОВА Уммупазил Авадзиевна
Чинеба сесер гунин нетижада Р.Гь.Абдулатипов патал 86 депутатди, У.А.Омарова патал кьве депутатди сесер гана, М.Ж.Баглиевавай са сесни къазанмишиз хьанач.
Эхирдай республикадин Президентди къуллугъдин рекьяй вичин юлдашриз, парламентдиз ва Гьукуматдиз саналди кIвалахунай ва вичин тереф хуьнай сагърай лагьана.