2013-йисан 16-июлдиз Гунибда «Дагъустандин дагъдин территорияр» Ассоциациядин членрин умуми собрание хьана.
Ам «2014-2018-йисара Дагъустан Республикадин дагъдин территорияр социально-экономический рекьерай вилик тухун» тайин метлебдин республиканский Программа тестикьарун» ДР-дин Закондин проектдин гьакъиндай ва «Дагъустан Республикадин дагъдин зонада багъманчивал ва хуьруьн майишатдин шей гьялдай карханаяр авай гьалдин ва вилик тухунин гьакъиндай» 2012-йисан 19-сентябрдиз Хунзахда хьайи Ассоциациядин членрин собранидал кьабулай теклифар уьмуьрдиз кечирмишзавай гьалдин гьакъиндай, гьакIни «Дагъустандин дагълух территорияр» Ассоциациядин Уставдик дегишвилер кухтунин ва Ассоциациядин президиумдиз цIийи членар хкягъунин месэлайриз килигна.
Собранидин кIвалахда ДР-дин Президентдин везифаяр вахтуналди тамамарзавайди тир Рамазан Абдулатипова иштиракна ва ам анал алай месэлайрай рахана.
Собранидин кIвалахада гьялзавай месэлайрихъ галаз алакъалу министерствойринни ведомствойрин руководителри, са жерге районрин кьилери, гьабурукай яз «Сулейман-Стальский район» муниципальный райондин Кьил Нариман Шамсудинович Абдулмуталибова иштиракна.