Алай вахтунда арендаторар, лежбервилинни фермервилин гъвечIи майишатар никIера чпи гьасилай техилар кIватIунив эгечIнава. И кар Курхуьрел сифтебурукай яз, вич фадлай магьсулдарвилел машгъул тир С. Шайдаеван кIвачихъ галай 34 гектар къуьлуьн, 10 гектар мухан никIера хъсан тешкиллувал аваз кьиле тухузва.
Къенин йикъалди ада мух яна куьтягьнава, и йикъара къуьлни ягъиз башламишда.
- КIватIай техилди пис нетижаярни ганвач, гьар са гектардай 18 центнер мух кIватIнава, - лугьузва С. Шайдаева.
Исятда комбайниди янавай никIерай самарикай туькар кьаз, маса гузва.
И карда С. Шайдаеваз адан хзандилай гъейри мукьва-кьилийрини куьмекар гузва.
ИкI, Курхуьруьн сергьятда, авай четинвилеризни килиг тавуна, гад агудунин еришар къвердавай йигин жезва.