За вири районэгьлийриз пак Рамазандин варз алукьун рикIин сидкьидай мубаракзава.
Зун инанмиш тирвал, мусурман патал виридалайни метлеблубурукай тир и йикъар инсан руьгьдин жигьетдай мадни хкаждай, къени крар ийидай ва патав гвайбурун патахъайни къайгъу чIугвадай йикъариз элкъведа ва абуру чи арада мад сеферда гьахъвал, адалат, мергьеметлувал, рагьимлувал артухарда. Къуй куьне хуьдай сивер, гудай садакьаяр, авур дуьаяр Аллагьди кьабулрай.
Заз квехъ мягькем сагъламвал, куь кIвалера гьамиша ислягьвал, мублагьвал, бахт ва берекат хьана кIанзава.
«Сулейман-Стальский район» муниципальный райондин Кьил Н. Абдулмуталибов