Майдин вацран сифтегьан цIуд юкъуз гатфаринни зегьметдин Югъ ва Гъалибвилин Югъ къейд авуниз килигна, Россияда санлай къачурла ял ядай вад югъ жеда. Гьаниз килигна, отгулар кIватIнавай агьалийривай 10 йикъан рухсатриз экъечIайтIа жеда, къейдзава зегьметдин ва к1валахдал машгъул хьунин рекьяй Федеральный къуллугъди.
«1-майдин суварин югъ и йисуз гьяд йикъал гьалтуниз килигна, Зегьметдин кодексдин бинедаллаз, адан гуьгъуьналлай югъни ял ядайди жеда. ИкI, россиявийри 30-апрелдиз, 1 ва 2- майдиз, гьакIни киш йикъалай, 7-майдилай, ислен йикъалди, 9-майдалди (Гъалибвилин югъ къейд авун себеб яз) ял яда», - хабар гана Рос-труддин кьилин заместитель Иван Шкловеца.
Гьа са вахтунда ада къейд авурвал, 3,4,5 ва 6-майдин кIвалахдин йикъара отгулар авай россиявийривай 10 юкъуз галаз-галаз ял ягъиз жеда.