«с. Эминхюр» муниципальный тешкилатдин кьилин распоряженидалди хуьруьн цIийиз арадал атанвай са куьчедиз Россиядин лайихлу юрист Абдурагьман Къарабегович Исмаилован тIвар гана.
Къейд авун лазим я хьи, 1923-йисуз ХипитIрин хуьре дидедиз хьайи А. Къ. Исмаилова 1963-йисуз Харьковдин университетдин юридический факультет акьалтIарна, Кьасумхуьрел, Ахцегьа, Магьарамдхуьре и районрин прокуратурайра жуьреба-жуьре къуллугъар тамамарна, Дербентдин прокуратурадин округда отделдин начальниквиле, гуьгъуьнилай 35 йисуз Избербаш шегьерда прокурорвиле кIвалахна.
Абдурагьман Къарабеговичан яргъал йисарин намуслу зегьмет хейлин медалар, ДАССР-дин Верховный Советдин Президиумдин, ДР-дин прокуратурадин Гьуьрметдин грамотаяр, Россиядин лайихлу юрист лагьай тIвар гуналди къейднава.
Рагьметлу А. Къ. Исмаилован тIварцIихъ куьче ягъуниз талукьарна хуьре мярекат кьиле фена. Анал рахай гзаф юлдашри Абдурагьман Къарабеговичан лайихлувилер къейдна, и баркаллу кардай хуьруьн муниципальный тешкилатдиз, жемятдиз чухсагъул лагьана.