Экстремизмдин ва терроризмдин гьерекатриз акси женгина общество тупламишунин, Дагъустандин халкьарин садвал мягькемарунин мурадралди ва Дагъустан Республикадин Конституциядин 75-статьядал асаслу яз за къарар акъудзава:
1. 2010-йисан 15-декабрдиз Махачкъала шегьерда Дагъустандин халкьарин Съезд кьиле тухун.
2. Дагъустандин халкьарин Съезддиз гьазурвал акунин ва ам кьиле тухунин рекьяй тешкиллувилин комитетдин состав тестикьарин.
3. Дагъустандин халкьарин Съезддиз гьазурвал акунин ва ам тухунин рекьяй тешкиллувилин комитетди Дагъустандин халкьарин Съезддиз гьазурвал акунин ва ам кьиле тухунин жигьетдай серенжемрин план туькIуьрин ва ам тестикьарин.
4. Дагъустан Республикадин Гьукуматди Дагъустандин халкьарин Съезддиз гьазурвал акунин ва ам кьиле тухунин кIвалах тешкиллувилинни технический ва финансрин жигьетдай таъминаруниз талукь серенжемар кьабулин.
5. Дагъустан Республикадин муниципальный районрин ва шегьеррин округрин кьилериз Дагъустандин халкьарин Съезддиз гьазурвал акунин ва ам кьиле тухунин карда лазим тир куьмекар гун меслят къалурин.
И Указ вичел къул чIугур йикъалай къуватда гьатзава.
Дагъустан Республикадин Президент М.МЕГЬАМЕДОВ
Махачкъала, 2010-йисан 29-октябрь, №262.
