Гьуьрметлу «Куьредин хабарар» газетдин редакция! Квез чар кхьизвайди Краснодарский крайдин Каневская станцияда яшамиш жезвай Муртазалиев Мажидин Халикьович я. За яргъал йисара, виликдай Туркменияда, гила Краснодарский крайда, шофервиле кIвалахиз гзаф йисар я.
И макъала кхьинин себебни ихьтинди я. За 1961-йисуз Кьасумхуьрел ДОСААФ-дин патав ачухай автошколада кIелна, шофервилин пеше къачуна. Чи инструктор Алимов Максим тир. Захъ галаз гьа вахтунда шофервилин курсара Кьасумхуьрелай тир Таибов Смялиди, Зейдуллаев Зейдуллагьа, Агъа СтIалдилай и курсунин староста тир Саидгьасанов Сажидина, Магьмудов Магьмуда, Къазиев Къазиди, Абдула, Мизамудина, Абдурагьимани кIелнай. Заз абуруз автомобилрин транспортдин работникрин югъ мубарак ийиз кIанзава.
Вахт алатнаватIани, гьа вахтар, жувахъ галаз кIелай юлдашар рикIелай алатзавач.
М. Муртузалиев, 1-классдин шофер, зегьметдин ветеран.