Малум тирвал, алай йисуз РФ-дин госучрежденийрин ва общественный къуллугърин работникрин профсоюз тешкилайдалай инихъ 20 йис тамам хьанва.
И лишанлу вакъиадихъ галаз алакъалу яз 1990-2010-йисара профсоюзрин Уставдин истемишунар ва вилик акъвазнавай месэлаяр уьмуьрдиз кечирмишунин карда активвал къалурунай ва яратмишдай кIвалах тухунай Сулейман-Стальский райондин профсоюздин организациядиз РФ-дин госучрежденийрин ва общественный къуллугърин работникрин профсоюздин Центральный Комитетдин Президиумдин Гьуьрметдин диплом ганва.
И мукьвара райадминистрацияда и лайихлу награда госучрежденийрин ва общественный къуллугърин работникрин профсоюздин рескомдин председатель Агьмедов Агьмед Урдихановича и жигьетдай чи профсоюздин райкомдин председатель, райадминистрациядин архивдин отделдин заведующий, ДР-дин муниципальный къуллугъдин лайихлу работник Исламова Роза Агъахановнадив шад гьалара вахкана.
И чIехи награда мубарак авунихъ галаз санал чаз Р. А. Исламовадихъ вичин хивевай жавабдар кIвалахда мадни еке агалкьунар хьана кIанзава.
«Куьредин хабарар» газетдин редакциядин коллектив