30-август властдин чкадин органрин сечки ийидай къуллугърал хкягъун патал къалурнавай кандидатар регистрация ий¬идай эхиримжи югъ тир. Дербентда шегьердин кьил хкядай сечкияр мад сеферда тухуда.
РикIел хкун лазим я хьи, и шегьерда виликдай тухвай сечкийрин нетижаяр, Россиядин сечкийриз талукь законодатель-стводин са жерге истемишунрал амал тавун себеб яз, Россиядин ЦИК-ди къуватдай вегьенай.
«Дагъустан» РИА-диз Дербент шегьердин территориальный сечкидин комиссиядин председатель Айдин Мегьамедова хабар гайивал, и къуллугъдал хкягъун патал кьуд касди чпин кандидатураяр къалур-нава. Абурун арада алай вахтунда шегьердин мэрдин везифаяр тамамарзавай Имам Яралиевни ава. Адан кандидатура «Сад тир Рос¬сия» политический партиядин Дагъус-тандин региональный отделениди къалурайди я. Адалай гъейри, регистрация авун патал чпин документар Дербент шегьердин 24-нумрадин судебный участокдин мировой судья тир Икмет Исмаилова, исятда кIвалахдик квачир Эльхан Казимова, алай макъамда кIва¬лах тийизвай Шамил Муртаибовани къалурнава. И.Яралиевалай гъейри, амайбуру чпи-чпин кандидату¬раяр къалурнавайди я.
Дербент шегьерда, 2010-йисан 1-июлдин делилралди, 60884 сечкичи ава.