30-августдиз «Сулейман-Стальский район» муниципальный райондин администрациядин нубатдин заседание хьана. Адан кIвалахда администрациядин управленийрин ва отделрин, гьакIни организацийринни карханайрин руководителри, хуьрерин муниципальный тешкилатрин кьилери иштиракна.
Заседание муниципальный райондин администрациядин Кьилин везифаяр тамамарзавайди тир Мусаиб Гьажибалаевич Агьмедова ачухна ва кьилени тухвана.
1. «Сулейман-Стальский район» муниципальный районда коммунальный эцигунрин ва ЖКХ-дин управлениди ремонтринни эцигунрин кIвала-хар кьиле физвай гьалдин гьакъиндай.
2. Жуьреба-жуьре месэлаяр.
Сад лагьай месэладай анал коммунальный эцигунрин ва ЖКХ-дин управленидин начальник Г. А. Гьуьсейнова гегьенш доклад авуна. Ада къейд авурвал, 20I0-йисан 1-январдилай 2010-йисан 25-августдалди 56 420 815 манатдин къимет авай ремонтринни эцигунрин кIвалахрин муниципальный контрактар кутIуна. 2009-йисуз авур кIвалахрин гьакъи яз тагана 6 241 541 манат бурж алама. Санлай къачурла, алай йисан 1-январдилай 25-августдалди лицевой счетдиз 31 805 099 манат пул атана. Авур кIвалахрай подрядчикдиз и девирда 31 238 705 манат, технадзор хуьниз 40 4899 манат пул гана.
УКС-дин ва ЖКХ-дин лицевой счетда амай пулуни 161 493 манат тешкилзава.
Заседанидал гьялай месэладай талукь къарар кьабулна. Ам чна агъадихъ гузва.
