Эхиримжи вахтара социальный ва аваданламишунин, гьакIни чIехи ва гуьрчег хьунин рекьерай виликди камар къачузвай Кьасумхуьрел алай девирдин ва РФ-дин Президентдин «О создании комплексной системы безопасности на транспорте» Указдин истемишунриз жаваб гузвай автостанция алачир. И кар себеб яз Кьасумхуьрелай Махачкъаладиз, Дербентдиз, маса шегьерризни хуьрериз инсанар тухузвай «Газелар» В. И. Ленинан тIварунихъ галай майдандал кIватI жезвай. Ида анлай физ-хуьквезвай улакьриз, къекъвезвай инсанриз манийвал ийизвай. И кар фикирда кьуна «Сулейман-Стальский район» муниципальный райондин администрациядин Кьилин 201-нумрадин постановленидин бинедаллаз автостанция центрадилай ЦIийи поселокдиз, виликан «Сельхозтехника» авай чкадал хутахна. Ана эцигунрин, чиле асфальт цунин, аваданламишунин ва тадаракламишунин хейлин кIвалахар кьиле тухвана, цIийи автостанция ачухна.
Лагьана кIанда хьи, автостанциядин патав кIвалахдай вири жуьредин шартIар ва мумкинвилер авай «Терсепул» алишверишдин центрани ачухнава.
ЦIийи автостанция ва алишверишдин центр ачухуни агьалийриз регьятвилер ва къулайвилер яратмишнава.