И йикъара чи райондин Птидхуьруьн школадин педколлективдин тIварцIихъ 2008-йисуз и мектеб акьалтIарай Къазиханов Къазихана кIелзавай Волгоград шегьерда авай флотдин адмирал Н. Д. Сергееван тIварунихъ галай профессиональный училищедин инженерно-педагогический коллективдилай Чухсагъулдин чар хтана.
28-нумрадин ПУ-дин директор А. Ф. Кравченкодин къул алаз хтанвай а чарче уьмуьрда активный тереф кьунвай, жавабдарвал гьиссзавай ихьтин патриот тербияламишунай чухсагъулдин гафар, школадин педколлективдихъ мадни еке агалкьунар хьунин тIалабунин хуш келимаяр кхьенва.