Гад школьникрин каникулрин вахт я. Аялар ва гьакIни ял ягъиз кIанзавайбур чи республикадин гьар пипIерай ял ягъиз чи райондин сергьятда авай санаторно-курортный ва сагъламвал мягькемардай комплексриз ял ягъиз къвезва. Анра цIаяр кьунин дуьшуьшрикай хуьн патал гьихьтин серенжемар кьабулзаватIа ахтармишун патал чи Госпожнадзорди алай йисан 12-апрелдилай 31-октябрдалди школьникрин лагерар, санаторияр цIаяр кьуникай хуьнин, хатасуз гьалдиз гъунин жигьетдай профилактикадин еке кIвалах тухуда. Гзаф руководителри Госпожнадзордин векилрихъ галаз дараматар цIай хкадардай чарасуз герек тир шейэралди, автоматический пожарный сигнализациядалди таъминарунин, талукь тир пипIер ва стендар туькIуьрунин карда куьмекар гузва.
Гатун ял ягъун пашманди тавун патал цIаяр кьуникай хуьнин къайдайрал кIевелай амал авуна кIанда, гъвечIи са гъалатIдини четин нетижайрал гъун мумкин я.
Кьилин истемишунрикай сад сагъламвал мягькемардай идарайра, са кар-кIвалах хьайитIа, къецел экъечIдай 2 далай тIимил тушиз ракIарар хьун чарасуз я.
ЦIай кьун – еке бедбахтвал я. ЦIай кьуникди инсанар телеф жезва, инвалидар яз амукьзава, ада хсуси ва государстводин эменни терг ийизва. ЦIаяр кьунин кьилин себебрикай сад аялар гуьзчивал алачиз цIув къугъун я. И кар себеб яз республикада гьар йисуз цIаяр кьунин гзаф дуьшуьшар жезва.
Ихьтин дуьшуьшар тахьун патал сифте нубатда, аялрилай эгечIна, чIехибурал кьван фидалди, инсанар гъавурдик кутунин, яни профилактикадин кIвалахдиз еке фикир гана кIанда. Гьар са санаторно-оздоровительный пансионатдин, лагердин, комплексдин, турбазадин руководителди чпин гъилик квай объектра цIаяр кьуникай хуьнин къайдайрал амал авуниз гьар йикъан фикир гана кIанда.
ЦIай кьур дуьшуьш хьайитIа, сифте нубатда пожарный охранадиз агъадихъ галай телефонрин нумрайриз зенг ийиз жеда: (01) (923320) (3-44-45), (88722923457), (89285772395) ва энгелвал тавуна инсанар хатасуз чкадал акъудна, цIай хкадарунив эгечIна кIанда, ам чкIуниз рехъ гана кIандач.
РикIел хуьх: цIай хкадарун четин я, ам тагькимарун - регьят.
Россиядин МЧС-дин ДР-да авай ГУ «Довериядин телефон»: 8-22 39-99-99
Р. А. РАМАЗАНОВ, С. Стальский районда авай Госпожнадзордин отделдин начальник, къенепатан къуллугъдин капитан
