И йикъара райондин аялрин музыкальный школада алай йисуз республикада кьиле фейи Г. А. Гьасанован 110 йис тамам хьуниз талукьарнавай конкурсда гъалиб хьайи и мектебдин аялрив ва абурун муаллимрив дипломар, грамотаяр шад гьалара вахкунин месэладиз талукьарнавай мярекат кьиле фена.
Ам, и мектебдин кIелзавайбур, абурун диде-бубаяр, муаллимар, аниз атанвай мугьманар тебрик авуналди, и школа арадал атуникай, къазанмишнавай агалкьунрикай куьрелди лугьуналди, анин директор ДР-дин культурадин лайихлу работник Къ. Ш. Къурбанова ачухна ва кьиле тухвана.
Анал сифте гаф гана рахай райондин культурадин ва информациядин управленидин начальникдин заместитель Гьажиев Амир Гьажиевича чи баркаллу районэгьли, машгьур композитор Г. А. Гьасанован 110 йисан юбилейдин гьуьрметдай фортепианодай кьиле фейи республикадин конкурсда и школада кIелзавайбур тир Султанов Тофикани Гьажимурадова Зубейдади 2-чкаяр кьун тебрикна. Ада абурув 2-дережадин дипломар ва абурун муаллимар тир Тагьирбеков Гьажиметавни Мукаилова Анжеладив грамотаяр шад гьалара вахкана.
Эхирдай анал тебрикдин ва чухсагъулдин гафар гваз и школадин директордин заместитель Гь. Тагьирбегов, А. Мукаилова ва маса юлдашар рахана.
Алай вахтунда и школадин коллективди Г. А. Гьасанован 110 йисан юбилейдиз гьазурвилер аквазва.