Асалдхуьряй тир Баламетов Мирзеди 9-класс хайи хуьре, 11-классни Шихидхуьруьн юкьван школада акьалтIарна. Муаллимар тир бубадинни дидедин рехъ давамарун патал ам СтIал Сулейманан тIварунихъ галай ачух социальный университетдик экечIна. Анаг агалкьунралди акьалтIарай М. Баламетова 2004-йисалай Асалдхуьруьн умуми чирвилерин школада дидед чIалан муаллимвиле кIвалахзава.
Алатай кIелунин йисуз ам школада тухвай «Йисан муаллим» конкурсда гъалиб хьана. Гила ада «2010-йисан муаллим» тIвар къачун патал районда тухузвай конкурсда иштиракзава. Адак кваз М. Баламетова и йикъара Кьасумхуьруьн 1-нумрадин юкьван школада 9-классда «Етим Эминан яратмишунра муьгьуьббатдин лирика» темадай тарс тухвана. Ана иштирак авур РУО-дин 4 методистди ва и школадин 5 муаллимди Мирзе Баламетован пешекарвилин дережадиз, тарс тухунин устадвилиз еке къимет гана.
Къейд авун лазим я хьи, Мирзе муаллимрин хзандай я. Адан диде Тамамата сифтедай Дербентдин педучилище, гуьгъуьнлай ДГУ-дин тарихдин факультет акьалтIарна, Асалдхуьруьн школада муаллимвиле кIвалахна, 1996-йисалай ам школадин директор я.
Мирзедин буба Гьамзет и школада, вах Зуьгьре Хив районда муаллимар я, стха Шамила ДГПУ-да кIелзава.
Сарай!!!