Женгчи шаир
Девирар къвез, алатзава. Ватандал атай бедбахтвилер цIийиз акьалтзавай несилрин рикIерал хкун - иллаки чарасуз я. Советрин властди: батракриз азадвал, авамриз – кIел-кхьин, гишинбуруз – фу, кьецIилбуруз – партал ва чимивал гана. Дагъустандин халкьдин шаир, ХХ асирдин Гомер СтIал Сулейманан уьмуьрдин рекьикай, ада чIугур кьван азаб-азиятдикай кIелайла, чаз гьа девиррин инсанрин кьисметрикай са гьихьтин ятIани хабар жезва. Азадвал ва бахт багъишай советрин Ватандал 1941-йисуз фашистрин Германияди вегьейла, гьар са кIваляй, гьар са хуьряй, гьар са райондай миллионралди жегьилар ва агьилар фронтдиз фена. Гзафбуру чанарилай гъил чIугуна, душман вичин меркезда телефна, 1945-йисан майдин сифте кьилера гъалибвал къазанмишна. Эхь, чун чан аламайбур, Ватан патал, азадвал патал чанар къурбанд авур женгчийрин вилик буржуна амукьзава. Тамаш садра, са Агъа СтIалдилай фронтдиз фена, хтун тавур 130 эркекар! Абурун арада шаирар, къуллугъчияр, муаллимар, лежберар, лап жегьилзамай гадаярни авай. Хуьруьн юкьвал хкажнавай обелискдин мрамордал, Ватан патал кьейибурун тIварар кхьенва. Гьар йисан майдиз обелискдал гъилера цуьквер авай аялар, чIехибур ва ветеранар къвезва. А списокда Балакъардаш Султанован тIварни ава
Алай йис кьве кьетIенвилералди лишанлу я. Алай йис муаллимрин йис яз малумарнава ва ЧIехи Гъалибвилин 65 йис тамам жезва. И кьве кьетIенвилихъни алакъалу жезва муаллим ва женгчи шаир агъастIалви Балакъардаш Султанов. И макъалада куьрелди адакай суьгьбет ийида. Агъахъартасви Султан 1911-йисуз агъастIалви Гьуьсейнан руш Бисенал эвленмиш хьана. Абуруз 1912-йисуз хьайи хицел чIехи буба Балакъардашан тIвар эцигна. Бедбахтвилин дуьшуьшдик Султан кьейила, жегьил свас гъвечIи аялни гваз Агъа СтIалдал, стха Сефербиген патав хтана. Гъуьлуьн дерт рикIе гьатай Бисенни регьметдиз фейила, Балакъардаш 10-12 йиса авай гада яз, халудин кIвале куьмекар гуз, Сефербигез эрчIи гъил хьиз хьана. Балакъардашахъ хайи хуьре Бирегьим лагьана чIехи амле авай. Ам хуьре гьуьрмет авай, патарал чирхичирар авай агьваллу итим тир.
Балакъардашан уьмуьрдин рехъ пайгар такур амле Бирегьима ам, хуьруьз хутахна, пек-партал цIийи хъувуна, Дербентда авай дуст ва муаллим Али-Задедин патав, буюрмишай кIвалахар ийиз тухвана. Али-Задедихъ, Балакъардашан яшда авай Саид тIвар алай са хвани авай. Балакъардашан буржи кIвалин кIвалахар авун, яд гъун ва кудай кIарасар кукIварун тир. Кьвед кьве стха хьиз гьуьрметлу хьайила, Балакъардашакай кIвалел алайди ваъ, хизандин векил хьана. КIелиз башламишдай вахт хьайила, Саида вичин бубадивай, вичихъ галаз Балакъардашни 2-дережадин школадик кутун истемишна. Али-Задедивай хцин кефи хаз тахьана, абур кьведни школадиз кьабулна. Школа акьалтIарай Султанов Балакъардаш ва Саид Дербентдин педтехникумдик экечIна. Заз Балакьардаш Султановакай и малуматар, ам мукьувай чидай хуьруьнви Исламов Къурбансимял муалимдивай хабар хьана.
Адалай къецелай, Мегьарамдхуьруьн Вини Ярагъдал муаллимвал авур Нежведилов Юнуса икI рикIел хкизва: «Ибур 1931-32-лагьай йисар тир. За Дербентдин педтехникумда кIелиз башламишайла, Балакъардаш чIехи курсуна авай жегьил тир. Адаз хъсан алакьунар авай, устадвилелди чуьнгуьр ва тар ягъиз чидай, манияр лугьудай, артистдиз хьиз, муаллимрин арадани еке гьуьрмет авай». Педтехникум акьалтIарай Балакъардаш Султанов вич рекье тур Курхуьруьн школадиз тарсар гуз фена. Ина а чIавуз Алибег Фатаховани кIвалахзавай. АгъастIалви Идрисов Къафланакай куьмек хьана, Алибег Фатаховаз ва Балакъардаш Султановаз хуьруьн школадиз хкведай мумкинвал хьана. Хуьруьз хтай вахтунда, Балакъардаш Султанов кьиле аваз, чпихъ алакьунар ва ширин сесер авай муаллимар: Шихнебиев Абдукерим, Абдурагьманов Бейбала, Исмаилов Къадир ва масабур галаз, художественный кружок тешкилна. А вахтара, кьериз-цIаруз, Ахцегьай артистар къведай. Абур «Перихалум», «Аршин – малан» театрар гъиз, къугъвадай. Балакъардаш муаллим концертар гваз райондин мукьвал алай хуьреризни фидай. Гьа ихьтин са сеферда, адал билбилдин сес авай манидар кьуланстIалжуван руш Нисейхалум дуьшуьш хьана. КIанидай шандакьар акурла, Балакъардаш муаллимди «КIани руш» шиир туькIуьрна, ам кIелайла, рекьив атана ва Нисейхалумакай адаз уьмуьрдин юлдашни хьана. Шиирарни кхьизвай, хъсан муаллим ва гьевескар артист Балакъардаш Султанов Дагъустандин халкьдин шаир СтIал Сулейманаз вичин хва Мусаиб хьиз кIан хьана. Алибег Фатахов Махачкаладиз хъфидалди, Балакъардаш муаллим чIехи шаирдин патав мукьвал-мукьвал фидай. Шаирдиз, Балакъардаш Султанован сатирадин векъи шиирар иллаки бегенмиш тир.
Балакъардаш пуд аялдин буба хьанвай. Нисейхалум хуьруьн яслидин зеведиш тир. А чIавуз зунни яслида авай. Ватандин ЧIехи дяве башламишай йисуз, чун сифте школадиз кьабулна. Мукьвал-мукьвал фронтдиз рекье твазвай хуьруьнвияр акур Балакъардаш муаллимдивай сабур кьаз хьанач. Военкоматдиз фена, хушуналди фронтдиз рекье гьатдай повестка гъиле къачур ада, вичин юлдаш Нисейхалумаз са гафни лагьанач. Пакамаз, ада Нисейхалумаз, вичихъ галаз Кьасумхуьрел атун теклифна. Шад хьайи уьмуьрдин юлдаш Балакъардашахъ галаз райондиз фена. Балакъардаша ам туьквендиз тухвана ва анай вад юкI алай канабин мерез къачуна: «Нисейхалум, зун къе фронтдиз рекье гьатзава. Аялриз, цIам-кIарасдикай дарвал гумир. Недайди вуна къазанмишда, амма «МичIи» тамай вавай арабада аваз кIарасар гъиз алакьдач. И мерездин еб – ваз араба хьурай!» И ван галукьай Нисейхалуман гьалар чIур хьанай. Балакъардаш муаллимдихъ зарафат ва керчек айгьамралди лугьудай алакьунар авай.
Итим фронтдиз рекье тур стIалжуван руша, кьилихъ галай шалуниз кьамухъай тIвал яна, яслида, ам чкIайла, хуьруьн почтальонвиле кIвалахар авуна. Гьар пуд йикъалай, кьуьд-гад талгьана, Кьасумхуьрелай почтар хкун регьят кIвалах тушир. Чуьлда ничхирар, рекьера къачагъар гьалтзавай дуьшуьшар тIимил тушир. ЯтIани, Нисейхалума вичин буржи хъсан кьиле тухузвай. А вахтара, фронтдай хквезвай чарар пуд пипIенбур тир. Абурухъ галаз, хажалатдин гафар авай телеграммаярни хкведай. Гьикьван рикIиз хажалат гудайбур тиртIани «Тел» иесидал агакьарна кIанзавай. Дяведин 1942-43-йисара залан тир хабарар авай телеграммаяр гзаф хквезвай. Гьа ихьтин телеграмма 1942-йисуз Нисейхалума Балакъардашан гьакъиндайни къахчунай. Телеграммаяр хтайбурун рикIериз майданар ва сабурар гузвай Нисейхалум, «Ватан патал къагьриман хьиз кьена»-лагьай телеграммани гваз, кIвале, кьилди ацукьна, шелар ийиз хьанай. Ихьтин дертер хьайибур хуьрера тIимил авачир. Вагьши душман вахтунда терг авун патал, далупата акъваз тийиз кIвалах ийиз, фронтовикриз ризкьидикай, чими парталрикай дарвал ганачир. Кьейибурухъ хажалат чIугвазвай, чан аламайбуруз чарар, посылкаяр рекье твазвай.
Эхир хьи, фадлай миллионралди вил алаз акъвазнавай Гъалибвилин шад хабар майдин 9 даз агакьна. Вагьши фашистрин Германиядихъ галаз женг чIугур гьукуматрихъ галаз, залан пар вичин хивез къачунвай Советрин эллерин и муштулух шадвилелди къаршиламишна. Мусаиб Стальскийдиз, Балакъардаш Султановаз, Закиев Мирзекьадидиз, Рзаханов МутIагьираз, цIудралди Ватан патал чанар гайибуруз хайи хуьрера, абурун тIварарни аваз обелискаяр эцигнава. Шаир ва женгчи Балакъардаш Султанован эсерар школайра аялри ашкъидивди кIелзава. Заз жуван макъала шиирдин цIараралди куьтягьиз кIанзава:
23.04.2010
|
| |
|
Новости
1 марта 2016
1 марта 2016
1 марта 2016
1 марта 2016
1 марта 2016
| | |
|
В Сулейман-Стальском филиале МФЦ «Мои документы» можно оформить документы на объекты межевания
В филиале многофункционального центра оказания государственных и муниципальных услуг «Мои документы», что находится в с.Касумкент Сулейман-Стальского района, размещена межевая группа по оформлению технических и межевых планов домов, квартир и земельных участков. По данному вопросу состоялась беседа корреспондента Касумкентского телевидения Мизамудина Махмудова с курьером-межевиком местного центра Тагиром Маметовым. Как отметил специалист, наличие межевого и технического планов на имуществ...
| |
| | |
В Сулейман-Стальском филиале МФЦ «Мои документы» можно оформить документы на объекты межевания
В филиале многофункционального центра оказания государственных и муниципальных услуг «Мои документы», что находится в с.Касумкент Сулейман-Стальского района, размещена межевая группа по оформлению технических и межевых планов домов, квартир и земельных участков. По данному вопросу состоялась беседа корреспондента Касумкентского телевидения Мизамудина Махмудова с курьером-межевиком местного центра Тагиром Маметовым. Как отметил специалист, наличие межевого и технического планов на имуществ...
| | |
|
В Сулейман-Стальском районе прошла научно-практическая конференция «Пути сохранения и развития родного языка в современных условиях в свете изучения лезгинского народного героического эпоса «Шарвили»
29 февраля 2015 года в рамках сохранения, изучения и развития родного языка в Сулейман-Стальском районе на базе Дворца культуры им. И.Г.Тагирова начала работу научно-практическая конференция на тему: «Пути сохранения и развития родного языка в современных условиях в свете изучения лезгинского народного героического эпоса «Шарвили». Мероприятие организовано администрацией муниципального района совместно с научно-исследовательским институтом педагогики имени А.А.Тахо-Годи.
В работе ко...
| |
| | |
В Сулейман-Стальском районе прошла научно-практическая конференция «Пути сохранения и развития родного языка в современных условиях в свете изучения лезгинского народного героического эпоса «Шарвили»
29 февраля 2015 года в рамках сохранения, изучения и развития родного языка в Сулейман-Стальском районе на базе Дворца культуры им. И.Г.Тагирова начала работу научно-практическая конференция на тему: «Пути сохранения и развития родного языка в современных условиях в свете изучения лезгинского народного героического эпоса «Шарвили». Мероприятие организовано администрацией муниципального района совместно с научно-исследовательским институтом педагогики имени А.А.Тахо-Годи.
В работе ко...
| | |
|
В Ортастальской сельской библиотеке прошло мероприятие «Береги родной язык!»
В Ортастальской сельской библиотеке Сулейман-Стальского района прошло мероприятие «Береги родной язык!». Мероприятие проведено в целях формирования у подрастающего поколения духовно-нравственного, гражданско-патриотического интереса к изучению историко-культурных ценностей, народных традиций, обычаев и обрядов.
В рамках мероприятия был оформлен плакат «Лезгинские обычаи».
| |
| | |
В Ортастальской сельской библиотеке прошло мероприятие «Береги родной язык!»
В Ортастальской сельской библиотеке Сулейман-Стальского района прошло мероприятие «Береги родной язык!». Мероприятие проведено в целях формирования у подрастающего поколения духовно-нравственного, гражданско-патриотического интереса к изучению историко-культурных ценностей, народных традиций, обычаев и обрядов.
В рамках мероприятия был оформлен плакат «Лезгинские обычаи».
| | |
|
В Сулейман-Стальском районе состоялся антинаркотический форум «Матери Дагестана против наркотиков»
Сегодня, 1 марта, в Международный день борьбы с наркоманией и незаконным оборотом наркотиками, в Сулейман-Стальском районе с участием начальника Управления ФСКН России по Республике Дагестан Энрика Муслимова и начальника отдела межведомственного взаимодействия УФСКН РФ по РД, полковника полиции Хасайбат Валиевой прошел антинаркотический форум «Матери Дагестана против наркотиков». Открыл и провел мероприятие глава района Нариман Абдулмуталибов. Форум был нацелен на вовлечение женщин-матерей в раб...
| |
| | |
В Сулейман-Стальском районе состоялся антинаркотический форум «Матери Дагестана против наркотиков»
Сегодня, 1 марта, в Международный день борьбы с наркоманией и незаконным оборотом наркотиками, в Сулейман-Стальском районе с участием начальника Управления ФСКН России по Республике Дагестан Энрика Муслимова и начальника отдела межведомственного взаимодействия УФСКН РФ по РД, полковника полиции Хасайбат Валиевой прошел антинаркотический форум «Матери Дагестана против наркотиков». Открыл и провел мероприятие глава района Нариман Абдулмуталибов. Форум был нацелен на вовлечение женщин-матерей в раб...
|
| |
|
