Малум тирвал, бязи маса министерствойра хьиз, Россиядин Федерациядин пенсионный фондунин Дагъустан Республикада авай Государственный идаради – отделениди гьар йисуз «Дагъустан Республикада авай ГУ-ОПФР-дин лап хъсан Управление (Отдел)» тIвар къазанмишун патал конкурс кьиле тухузва.
И йикъара чал шад хабар агакьна: алай йисан 26-февралдиз РФ-дин пенсионный фондунин ДР-да авай ГУ-дин отделенидин управляющий А. Амутинова 76-нумрадик кваз акъуднавай приказда къейдзавайвал, «Дагъустан Республикада авай ГУ-ОПФР-дин лап хъсан Управление (Отдел)» тIвар къачун патал кьиле фейи конкурсда 2009-йисан нетижайрай 1-чка чи райондин пенсионный управлениди (начальник М. А. Качаев) кьунва.
«Куьредин хабрарар» газетдин редакциядин коллективди райондин пенсионный управленидин начальник Качаев Магид Абдуселимовичаз ва вири коллективдиз и гъалибвал рикIин ситкьидай мубаракзава. Чаз квехъ районэгьлийриз къуллугъ авунин жигьетдай куь хивевай жавабдар кIвалахда мадни еке агалкьунар хьана кIанзава.