Дагъустандин Гьукуматдин постановленидин бинедаллаз (постановление от 02.06.2009 года №161 «Об утверждении Порядка обеспечения жильем детей сирот и детей, оставшихся без попечения родителей, а также из их числа за счет средств республиканского бюджета Республики Дагестан»), диде-буба кьилел аламачир аялар, абурун 18 йис тамам хьайидалай кьулухъ, социальный нормайрилай агъуз тушиз яшамиш жедай чкайралди таъминарун лазим я. 2009 йисалай ихьтин ихтиярар райондин муниципальный органдив (отдел опеки и попечительства) вахканва. Алатай йисара и программадай 8 кас яшамиш жедай чкайралди таъминарнава: 2007-йисуз -4, 2008-йисуз -1 ва 2009-йисузни-3 кас. ГъвечIизамаз диде-буба кьилел аламачирбуруз яшамиш жедай чкаяр маса къачун патал республикадин бюджетдай пулдин такьатар ахъагъун лазим я. А такьатрин кьадар Гьукуматдин къарардалди райондай ракъурнавай нубатдин списокдин бинедаллаз гун таъминарзава. Гьахьтин списокар гьар йисуз июлдин вацра гьазурна, къведай йисан бюджетдик кутун патал ДР-дин Гьукуматдиз ракъурзава. 2010-йисуз ахьтинбур яшамиш жедай чкайралди таъминарзавайбурун списокда 13 кас ава. Список агъадихъ куь фикирдиз гъизва. А списокда авай ксаривай Сулейман-Стальский райондин администрациядин патав гвай опекадин ва попечительстводин отделди кIвал-югъ гудай ксар чпини жагъурун, эгер жагъайтIа отделдизни хабар гун ва гузвай кIвалерин (кIвалерин паюнин) тайин тир документар гиламаз туькIуьрун тIалабзава. И кIвалахдал райондин администрацияди кIевелай гуьзчивал тухузва.
