15- февралдиз «Сад тир Россия» Вирироссиядин политический партиядин Сулейман – Стальский чкадин отделенидин умуми собрание кьиле фена. Адан кIвалахда партиядин чкадин отделенидин секретарри, организацийринни учрежденийрин руководителри, СМИ- дин векилри иштиракна.
Собрание «Сулейман–Стальский район» муниципальный райондин Кьил, «Сад тир Россия» партиядин чкадин отделенидин политический советдин секретарь Имам Музамудинович Яралиева ачухна ва кьиле тухвана.
«Партиядин ХI- съезддин решенийрихъ галаз кьадайвал Вирироссиядин политический «Сад тир Россия» партиядин «Россия: хуьн ва артмишарин!» Программный документ пропаганда авунин рекьяй чкадин отделенийрин вилик акъвазнавай везифайрин гьакъиндай» собранидал Дагъустан Республикадин Халкьдин Собранидин депутат Гьамидуллагь Исмаилович Мегьамедова доклад авуна. Ада къейд авурвал, 2007- йисуз «Сад тир Россиядиз» сес гудайла, сечкичийри неинки партиядиз, гьакI адан политический рекьиз, властдин испольнительный ва законодательный органрин садвилиз сес ганай. Партияди, вичин идеология «российский консерватизм» яз тайинаруналди, Россияда девлетлу тир тарихдин адетар хуьн, хъсан крар тайинарун ва вилик тухун лазим я. Партияди гьисабзавайвал, гзаф агьалийрин къайгъуда тахьана анжах викIегьбуруз яшамиш жедай мумкинвал гун лазим туш, адан идеология уьлкведин вири агьалийрин къайгъуда хьун я. Яни уьмуьрдин мублагьвал хкажун, демографический кризис алудуналди, 2020- йисалди инсандин уьмуьрдин яргъивал 75 йисан дережадиз акъудун лазим я.
Санлай къачурла, «Сад тир Россия» партиядин везифа вири Россиядин халкьдихъ агалкьунар хьуникай ибарат я,- лагьана Гь.И. Мегьамедова. - И кар партиядин Программный документда кьетIи-даказ къейднава.
Собранидал рахай Имам Муза-мудинович Яралиева «Сад тир Россия» - им уьлкве вилик тухудай, халкьдин яшайиш хъсанардай, абурун мублагь-вал артухардай, Россиядин ва адан агьалийрин гележегдин къайгъуда авай партия я. Партиядин ХI-съезддин къараррин, абур халкьдин арада пропаганда авунин рекьяй чкайрал алай отделенийрин везифайрикай гегьеншдиз лугьунихъ галаз санал, Имам Музамудинович эхиримжи кьве йисан къене районда хъсанвилихъ хьанвай дегишвилерал, вилик акъвазнавай везифайрални гегьеншдиз акъвазна. Кьилди къачуртIа, ада къейд авурвал, хуьруьн майишатдин хиле еке дегишвилер кьиле фенва, уьзуьмчивал вилик тухузва. Алатай йисуз 110 гектарда цIийи уьзуьмлухар кутуна, алай йисуз мад 300 гектарда кутан хъийида. Эцигунрин, идараяр ремонт хъувунин, культурадин, образовани-дин рекьерайни хейлин кIвалахар тухвана, хъийиз гъиле авай, планла-мишнавай кIвалахарни гзаф я. И кIвалахрал кьилдин ксарин гзаф инвестицияр желбна, и кар давамни ийида.
- Зегьметдиз къимет гун, зегьмет чIугвазвайдаз къимет гун–ибур чи кIвалахда кьилин лозунгар хьун лазим я, - къейдна Имам Музамудиновича.
Докладдин винел РУО-дин на-чальник, партиядин политсоветдин секретардин заместитель Ж. А. Асланов, райондин хуьруьн майишатдин управленидин начальник М. М. Бабаев, политсоветдин член, Эминхуьруьн юкьван школадин директор Р. С. Османов рахана. Абуру 2009- йисан 21- ноябрдиз кьиле фейи «Сад тир Россия» политический партиядин Программный докумен-трин тереф хвена, абур чкайрин отделенийра машгьур авун патал тухузвай кIвалахдикай лагьана.
Эхирдай «Сад тир Россия» партиядин чкадин отделенидин руководитель Б. З. Ширинова собранидин иштиракчияр анал кьабулай къарардихъ галаз танишарна. Ана, кьилди къачуртIа, партиядин «Россия: хуьн ва артмишарин!» Программный документ бинедиз къачуналди, уьлкве абад, халкьдин яшайиш хъсанарун патал тухун лазим тир кIвалахар ва чкайрал алай отделенийрин везифаяр къалурнава. Абурун тереф собранидин вири иштиракчийри хвена.
