Мукьвара Чечен Республикадин меркез Грозный шегьерда жаванрин арада боксдай Кьиблепатан Федеральный округдин кIвенкIвечивал патал чемпионат кьиле фена. Санлай къачурла ана 100-дав агакьна спортсменри иштиракна.
Къизгъиндаказ кьиле фейи акъажунра, вичихъ галаз рингдиз экъечIай Чечнядай, Ингушетиядай ва Ставрополдай тир боксеррин винел гъалибвал къачуналди, ери-бине АгъастIалдилай тир, Каспийск шегьерда Россиядин лайихлу тренер Б. Талибован гъилик вердишвилер къачузвай Роберт Селимова 54 килограммдин заланвиляй инанмишвилелди 1-чка кьуна. Кьиблепатан Федеральный округдин чемпионвилин тIвар къачур Роберта гила Россиядин кIвенкIвечивал патал кьиле фидай чемпионатда иштиракда.
Къейд авун лазим я хьи, Роберт боксдай Россиядин, Европадин ва дуьньядин чемпион, Пекинда кьиле фейи Олимпиададин къугъунрин иштиракчи Альберт Селимован гъвечIи стха я.