Дагъустан Республикадин Гьукуматди 2007-йисан 21-декабрдиз 342-нумрадик кваз акъуднавай «О плане мероприятий по реализации Федерального Закона «О фонде содействия реформированию жилищно-коммунального хозяйства» постановленидихъ галаз кьадайвал ДР-дин сергьятда гьамиша яшамиш жезвай ва законодательстводихъ галаз кьадайвал яшайишдин кIвалерин ва коммунальный къуллугърин гьакъи гунин жигьетдай кьезилвилер авай кьилдин категорийриз яшайишдин жигьетдай куьмек яз авай а кьезилвилер гун таъминарунин мураддалди, ДР-дин Правительстводи 2009-йисан 1-январдилай кьилдин категорийриз яшайишдин кIвалерин ва коммунальный къуллугърин гьакъи гудайла социальный жигьетдай куьмек пулунин гьисабдалди гунин гьакъиндай 2008-йисан 4-июлдиз 217-нумрадик кваз постановление акъуднава.
И кардихъ галаз алакъалу яз чи райондин сергьятда яшамиш жезвай ихьтин агьалийрин делилрин банк тешкилнава. ИкI, 2009-йисан 1-декабрдалди абур вири 22112 кас ава. Федеральный ва региональный законодательстводихъ галаз кьадайвал, социальный жигьетдай куьмек гузвайбурун жергедик агъадихъ галай категорияр акатзава:
- 18 йисал кьван фидалди яшда авай 3 ва адалай виниз аялар авай хзанар (гзаф аялар авай хзанар) – «О мерах по социальной поддержке многодетных семей в Республике Дагестан» ДР-дин Правительстводин постановленидин бинедаллаз абуруз яшайишдинни коммунальный къуллугърин гьакъи гудайла 30 процентдин кьезилвал (льгот) ава;
- Ватандин ЧIехи дяведин иштиракчияр ва инвалидар ва абурухъ галаз сад авунвай талукь кьезилвилер авайбур, дяведа кьейи аскеррин уьмуьрдин юлдашар-хендедаяр, военный къуллугъдин везифаяр тамамардайла телеф хьайи военный къуллугъчийрин диде-бубаяр – «О ветеранах» Федеральный Закондин бинедаллаз яшайишдинни коммунальный къуллугърай гьакъи гудайла вири хзандиз 50 процентдин кьезилвал ава;
- вири группайрин ва дережайрин инвалидриз, 18 йисал кьван фидалди яшда авай инвалид – аялар авай хзанриз «О социальной защите инвалидов в Российской Федерации» Федеральный Закондин бинедаллаз яшайишдинни коммунальный къуллугърин гьакъи гудайла 50 процент кьезилвал ава ( 18 йисал кьван фидалди яшда авай инвалид аял авай хзанриз – вири хзандиз 18 йисалай виниз яшда авай аял авайла анжах са адаз вичиз).
- 1986-1987-йисара ЧАЭС-дин авариядин нетижаяр арадай акъудунин иштиракчийриз, а авариядин нетижада радиациядин таъсирдикди инвалидар хьайибуруз, гьакIни чеб инвалидар хьана кьейибурун хзанрин членриз «О социальной защите граждан, подвергщихся воздействию радиации вследствие катастрофы на Чернобыльской АЭС» и жигьетдай 50 процентдин кьезилвилер ава;
- политический мотивралди репрессировать авунвай ва гуьгъуьнлай реабилитировать хъувунвайбуруз ва гьакIни политический репрессийрикди зарар ганвайбур яз гьисабзавайбуруз «О социальной поддержке жертв политический репрессий» Дагъустан Республикадин Закондихъ галаз кьадайвал, вири хзандиз 50 процентдин кьезилвилер ава;
- «О социальной поддержке труженников тыла и ветеранов труда» ДР-дин Закондихъ галаз кьадайвал яшайишдинни коммунальный къуллугърин гьакъи гудайла зегьметдин ветеранриз (льготникдиз вичиз) 50 процентдин кьезилвилер ава;
- педагогвилин, медицинадин, ветеринарный, социальный работникриз, ва культурадинни просветителвилин идарайрин работникриз, «О мерах социальной поддержке по оплате жилья и коммунальных услуг отдельным категориям граждан в сельской местности и поселках городского типа» ДР-дин Закондихъ галаз кьадайвал, яшайишдинни коммунальный къуллугърин гьакъи гудайла 100 процентдин кьезилвилер ава. Инал са кар генани ачухдиз къейд ийиз кIанзава: яшамиш жезвай дараматрин майданрин, гьакIни коммунальный къуллугърин нормативрилай аслу тушиз, медицинадин ва педагогвилин работникриз экв ва чимивал хуьн патал экверни тIебиатдин газ ишлемишун пулсуз я.
ДР-дин Правительстводи 2009-йисан 30-июндиз 210-нумрадик кваз акъудай «О внесении изменений в Постановление Правительства РД от 4 июля 2008 года №217» Постановленидихъ галаз кьадайвал, педагогвилин работникриз и жигьетдай гузвай гьар вацран пул договоррин бинедаллаз коммунальный къуллугъар ийизвайбуруз гузва.