ЦIийи йисан вилик чаз фадлай чизвай, лезги халкьдин машгьур рухвайрикай сад тир Дагъустандин хуьруьн майишатдин академиядин ва Москвадин автомобилрин рекьерин университетдин Махачкъалада авай филиалдин профессор, технический илимрин доктор, РД-дин илимдин лайихлу деятель чи баркаллу районэгьли Навруз Гьуьсенбегович ФАТАЛИЕВАН хизандай мад са алим акъатна: адан руш Зайнаб Наврузовнади филологиядин илимрин рекьяй агалкьунралди кандидатвилин диссертация хвена. Къейд ийин хьи, Навруз Гьуьсенбеговичан чIехи руш - Фатима экономикадин илимрин кандидат я.
Къейд ийин хьи, Навруз Гьуьсенбеговичан чIехи руш - Фатима экономикадин илимрин кандидат я. Алай вахтунда ада ДГТУ-дин «Юриспруденцияда информационный технологияр» кафедрадин доцент яз, анин заведующийдин заместителвиле кIвалахзава. Навруз Гьуьсенбеговичан мад са руша алай йисан сентябрдин вацра экономикадин илимрин рекьяй кан¬дидатвилин диссертация хвена.
Зайнаб Наврузовнади ингилис ва лезги чIалара жуьреба-жуьре категорийрин гафарин функционально-семантический кьетIенвилерай ахтармишунар кьиле тухвана. Адан илимдин кIвалахдин оппонентар Дагъустандин илимрин центрадин чIалан, литературадин ва искусстводин Институтдин къуллугъчи, филологиядин илимрин доктор Фаида Гъаниева ва Москвадин автомобилрин рекьерин университетдин Махачкъалада авай филиалдин доцент, филология¬дин илимрин кандидат Зулейха Курамегьамедова тир. Алимри Зайнаб Наврузовнадин илимдин кIвалахдиз чIехи къимет гана.
Лагьана кIанда, Зайнаб Наврузовнади Дагъустандин ва Россиядин маса регионрин илимдин журналра диссертациядай кхьенвай кIуьд макъала чапнавай. Ада вичин илимдин кIвалах Дагъустандин медакадемиядин профессор, филологиядин илим¬рин доктор Исрафил Эфендиеван регьбервилик кваз кхьена.
Зайнаб Наврузовнади 2004-йисуз Махачкъала шегьердин 38-нумрадин юкьван мектеб ва 2009-йисуз Дагъустандин госпедуниверситетдин сифтегьан классрин факультет акьалтIарна.
Чна алимрин сихилдиз илимдин рекье къазанмишнавай агалкьун рикIин сидкьидай мубаракзава. Къуй алукьнавай ЦIийи йисуз квез мадни цIийи кукIушар муьтIуьгъардай мумкинвилер хьурай!
Асият Мусаева.
