Малум тирвал, машгьур алим-тарихчи марифатчи, шаир ва чIехи арифдар, чи баркаллу районэгьли Алкьвадар Гьасан эфендидин гьуьрметдай ам дидеди хайи октябрдин варз чи районда адан уьмуьрдиз ва яратмишунриз талукьарнавай серенжемар кьиле тухунин варз яз малумарнавай. Муниципальный райондин Кьил Н. Ш. Абдулматалибова тестикьарнавай махсус пландин бинедаллаз кьиле тухузвай а серенжемрикай сад школайрин чIехи классра кIелзавай аялри алимдин уьмуьрдин рекьиз ва яратмишунриз талукьарнавай сочиненияр кхьин тир.
Къейд ийиз кIанзава хьи, и кардик райондин саки вири школайрин 10-классрин аялри ва муаллимри чпин еке пай кутуна. И кIвалах тешкилайди тир РУО-дин информационно-методический центрда и йикъара конкурсдин нетижаяр кьуна.
Райондин образованидин управленидин начальник И. Гь. Османовади алай йисан 29-октябрдиз акъудай приказдин бинедаллаз и конкурсда приздин чкаяр кьунвайбур яз къейднава:
1-чка – «Герейхановская СОШ №I» МКОУ-дин 10-классдин ученица Османова Къизил (муаллим Сегьерхалум Османова).
2-чка – «Ортастальская СОШ» МКОУ-дин 10-классдин ученик Тагьиров Агьмед (муаллим Маржанат Абдурагьимова).
3-чка – «Даркушказмалярская СОШ» МКОУ-дин 10-классдин ученица Кчибекова Элина (муаллим Мурад Алиев).
3-чка – «Уллугатагская СОШ» МКОУ-дин 10-классдин ученик Загьид Гьажимурадов (муаллим Тамара Мирзоева).
Конкурсда гъалиб хьайибуруз ва приздин чкаяр кьурбуруз грамотаяр гана.
Абурун сочиненийрай бязи паяр чкадин «Куьредин хабарар» газетдизни гун меслят акунва.
Н. Азимова, РУО-дин ИМЦ-дин методист.
