Алай йисан 31-августдиз «Сулейман-Стальский район» муниципальный райондин администрацияда нубатдин заседание кьиле фена. Адан кIвалахда администрациядин управленийринни отделрин начальникри, къуллугъринни общественный тешкилатрин руководителри, хуьрерин поселенийрин кьилери, гьялзавай месэлайрихъ галаз алакъалу тир къуллугърин кьилин пешекарри иштиракна.
Заседание муниципальный райондин Кьил Нариман Шамсудинович Абдулмуталибова ачухна ва кьилени тухвана.
Заседанидал агъадихъ галай месэлайриз килигна:
1. Муниципальный райондин бюджетдин хсуси къазанжияр къачун авай гьалдин ва и кIвалах хъсанарунин гьакъиндай.
2. «Сулейман-Стальский район» муниципальный районда муниципальный къуллугъ вилик тухун» муниципальный тайин метлебдин программа уьмуьрдиз кечирмишунин гьакъиндай».
Заседанидал алай сад лагьай месэладай администрациядин экономикадин отделдин начальник С. А. Вагьабовади информация авуна.
И месэладай районрин уртах налоговый инспекциядин руководитель С. Асланова, райадминистрациядин Кьилин заместитель С. Темирханова, Кьулан СтIалрин, Агъа СтIалрин, ЦIийи Макьарин хуьрерин поселенийрин кьилер тир М. Альдерова, Н. Абдурагьманова, А. Къазиагьмедова, МФЦ-дин директор А. Шагьмирзоевади чпин фикирар лагьана.
Кьвед лагьай месэладай райадминистрациядин крар идара ийизвайди тир Р. А. Абдулазизова информация авуна.
Заседанидин нетижаяр кьуналди, Н. Ш. Абдулмуталибова анал гьялай месэлайрин важиблувал къейдна, абур уьмуьрдиз кечирмишунин, кIвалах хъсанарун патал талукь къуллугърин, пешекаррин вилик тайин везифаяр эцигна, тапшуругъар гана.
