Малум тирвал, здравоохраненидин ва яшайишдин жигьетдай вилик тухунин РФ-дин министерстводи 2009-йисан 23-декабрдиз №1012н-нумрадин Приказдин бинедаллаз аялар авай агьалийриз гьукуматдин пособияр тайинарунин ва гунин жигьетдай къайда ва шартIар тайинарнава.
Зегьметдин ва Дагъустан Республика социальный жигьетдай вилик тухун таъминардай министерстводи хабар гузвайвал, 2013-йисан 2-декабрдиз 349-ФЗ-нумрадин «2014-йис ва 2015, 2016-йисарин планламишнавай девир патал Федеральный бюджетдин гьакъиндай» Федеральный Закондин 9- статьядин 2- паюнихъ галаз кьадайвал, 1995 – йисан 19- майдиз 81-ФЗ-нумрадик кваз акъудай «Аялар авай агьалийриз гьукуматдин пособияр гунин гьакъиндай» Федеральный Закондин 4,2- статьяда тайинарнавайвал, аялар авай агьалийриз гузвай гьукуматдин пособияр 2014-йисан 1-январдилай 1,05 процентдин индексация авунва.
ИкI, алай йисан 1-январдилай аял хайила са сеферда гузвай пособидин кьадар 13741,99 манат хьанва.
Армиядиз къуллугъ ийиз эвер ганвай аскердин кIвачел залан уьмуьрдин юлдашдиз санал са сеферда гузвай пособидин кьадар 21761,88 манат хьанва.
Армиядиз къуллугъиз фенвай аскердин аялдиз гьар вацра гузвай пособидин кьадар 9326,52 манат хьанва.
Сад лагьай аялдихъ са йисни зуран вахтунда гелкъуьнай гьар вацра гузвай пособиядин кьадар 2576,63 манат хьанва.
Кьвед лагьай ва гуьгъуьнин аялрихъ 1,5 йисан вахтунда гелкъуьнай гьар вацра гузвай пособие 5153,24 манат хьанва.
Н.М.Муслимов, УСЗН-дин пособийрин отделдин начальник
