Эхиримжи вахтара районда социальный, экономикадин, эцигунрин рекьерай хъсанвилихъ кьиле физвай кIвалахри агьалийрин патай разивал арадал гъизва, и крарай абуру райондин руководстводиз аферин лугьузва.
Мукьвал йикъара Кьасумхуьруьн «Шагь-Багъ» участокдиз тIебии газ гъун – имни райондин руководстводи агьалийрин яшайишдинни дуланажагъдин шартIар хъсанаруниз, хуьрер аваданламишуниз фикир гунин лишанрикай сад я.
«Сулейман-Стальский район» муниципальный райондин Кьил Нариман Шамсудинович Абдул-муталибов, райондин админис-трациядин Кьил Штибег Гьажи-мегьамедович Мегьамедханов, райондин администрациядин жавабдар са жерге работникарни галаз, и йикъара «Шагь-Багъ» участокдиз фена, газдин линияр тухунин кIвалахар тамамарнавай гьалдихъ галаз таниш хьана.
Санлай къачурла, и участокда 2130 метрда газдин линияр тухун лазим я. «Дагес-тангазсервис» ООО-дин районда авай «Самурское» ЭГС-дин коллективди икьван чIавалди 1000 метрда куьчейра газдин линияр тухванва.
- Тамамарнавай кIвалахдилай зун рази я, - лагьана Н. Ш. Абдулмуталибова. – Къайдадик кваз, ери аваз газдин линияр тухунай, агьалияр газдалди таъминарунай за «Самурское» ЭГС-дин вири коллективдиз, кьилди анин руководитель Фикрет Гьажимегьамедович Алиметоваз чухсагъул лугьузва. Мадни, чахъ гележегда тухванвай линияр муниципальный балансдал вахчудай фикирни ава. Ида чаз арендадин пул къачудай мумкин-вал гуда.
Фикрет Алиметова лагьайвал, райондин руководстводи газдин линияр тухунин кIвалахдиз фикир ва куьмек гуни «Самурское» ЭГС-дин коллектив ашкъиламишзава ва ам участокдин амай куьчеярни газламишна вахтунда акьалтIарун патални чалишмиш жеда.
Нариман Шамсудинович Абдулмуталибов хуьруьн агьа-лийрихъ галазни гуьруьшмиш хьана, вилик акъвазнавай месэ-лаяр гьялунин карда райондин руководство гьамиша агьалий-рин къуллугъда акъвазнавайди къейдна.
