И йикъара Асалдхуьруьн жемятдин сход кьиле фена.
Анал гуьне патан хуьрерин участокдин участковый уполномоченный, полициядин капитан Самурхан Набиева алай йисакай алатай 6 вацра тухвай кIвалахдин гьакъиндай гьахъ-гьисабдин куьруь информация гана. Ада къейд авурвал, и участокдик 16 хуьр акатзава. Агьалийрин умуми кьадарди 6730 кас тешкилзава. Гьахъ-гьисабдин девирда и участокда 5 тахсиркарвал хьана, абурни чуьнуьхунрихъ галаз алакъалубур тир ва вири тахсиркарвилерни вахтундамаз чкадал килигна, жуьреба-жуьре тахсиркарвилерин гьакъиндай 15 административный протокол кхьена, агьалийрихъ, школайра кIелзавай аялрихъ галаз тахсиркарвилер тагькимарунин жигьетдай профилактикадин серенжемар кьиле тухвана, агьалийрин гьар жуьре къатарихъ галаз алакъа мягькемаруниз еке фикир гана.
И месэладай анал чпин фикирар ва теклифар гваз хуьруьн агьалияр тир Эмиргьамзаев Алимерден, Садикьов Иса, Мегьамедрагьимов Шихкерим, гьакIни РОВД-дин участковый уполномоченныйрин начальник, полициядин майор Ягъибегов Бейдулагь, «сельсовет Испикский» МО-дин кьил Магьмудов Руслан рахана. Анал участковый уполномоченный, полициядин капитан Набиев Самурханан кIвалахдиз рази жедай къимет гана.
Абидин Камилов
