Чаз уьмуьрда гьакъикъатдиз элкъвенвай са кар ава: кIандатIа хуьр, район ва чIехи субъект хьурай, адан кьиле хъсан руководитель хьун гзаф герек ва важиблу я.
Кар бажармишиз алакьуни, инсанрихъ галаз хуш рафтарвал авуни, хиве авай везифаяр намуслудаказ кьиле тухуни, и кар алакьуни гьар са руководителдикай инсанриз хуш майилар амукьда. И кар тестикьарун патал чаз агъадихъ са гъвечIи чар-макъала гуз кIанзава.
«Гьуьрметлу Абдулмуталибов Нариман Шамсудинович! Квез чар кхьизвайди Кьасумхуьрелай тир Къурбанова Наида Разахановна я. Зун куь патав алай йисан 5-майдиз атанай. Куьне зун, хушвилелди кьабулна, зи дердидихъ яб акална. Куьн хьтин руководителдал за дамахзава. Куьн хьтин райондихъ рикI кузвай, гзаф кIвалахар ийизвай руководителар гзаф хьурай.
Коррупциядикай, ришветар къачуз кIвалахал акъвазуникай фикирдайла зун кIевиз ягъалмиш хьайидан гъавурда акьуна.
Шад жедай кар ам я хьи, Куьне райондин амай руководителривайни агьалийрив ихьтин михьи гъил, ширин, ачух мез гваз кIвалахдив эгечIун истемишзава.
Зун райондин центральный больницадин кьилин духтур Максим Играмудиновичалайни гзаф рази я. Зун кIвалах кIанз адан патав фена. Сифтедай ада захъ дикъетдивди яб акална, ахпа документар къалурун тIалабна. Алай вахтунда за операционный блокда анестезистка яз кIвалахзава. Дуьз лагьайтIа, вахтуналди, аялдихъ гелкъвез декретный отпускада авайдан чкадал. Зун жуван кIвалах хъсандиз тамамариз алахъзава.
За мад сеферда Квез, Нариман Шамсудинович, чухсагъул лу-гьузва. Квехъ мягькем сагълам-вал, кIвалахда мадни еке агалкьу-нар хьурай!
Гьуьрметдивди, Къурбанова Наида Разаханова».
Гьакъикъатдани, лап рикIи-вай, ачухдиз кхьенвай ихьтин чарчи гьар са касдин бейнида хуш, разивилин майилар твазва.
Аквазвайвал, руководи-телрилай гзаф крар, ам кьиле авай хуьруьн, райондин абадвал, инсанар рази хьун гзаф аслу я.
