Александр Назаревич, филологиядин илимрин кандидат.
Шарвилидикай гзаф риваятар ава, абур са гьихьтин ятIани чкIайбур я. Аквадай гьаларай, им дегьзаманрин са вучтин ятIани эпос хьунухь мумкин я ва ам инсанри рикIелай алудзава. Зун жуван тIалабун гваз Ахцегь хуьруьн агьалийрихъ элкъвезва: Шарвилидикай вуч затIар aвaтla, кхьена, кIватIа. Белки, са мус ятIани чалай къагъриман Шарвилидин, халкьдин художественный образдин и сир ачухиз алакьин.
Расул Мегьамедов, тарихдин илимрин доктор.
Эхиримжи вахтаралди литературада бине кьунвай фикир авай: лезгийрихъ халкьдин эпос («Шарвили») авач. Ам, лагьайтIа, ава кьван. Вични шииратдин кьакьан дережадинди, инсанпересди!
Наталья Капиева, филологиядин илимрин доктор.
Шарвили тек туш, вучиз лагьайтIа адахъ вич теснифай халкьдин нефес гала. Шарвилидин далудихъ халкь гала.
Алирза Саидов, шаир.
Тарихдин риваятар тестикь хьун патал, лугьуз жеда, риваятрихъ нартрин сюжетар, пагьливанрикай кьисаяр, кьисайрик квай лезгийрин «Шарвили» эпосдин игит лазим атана.
Гьажи Гьамзатов, Россиядин илимрин Академиядин академик.
Лезгийрихъ чпин эпос «Шарвили» ава лугьуз ван хьун заз гзаф хуш тир. Фольклористди хьиз, за лезги халкьдин сивин яратмишунриз фикир гана. Эпосдин вариантар гекъигнайтIа, абур маса халкьарихъ авани-авачни чирнайтIа, пис жедачир.
Халил Халилов, филологиядин илимрин доктор.
Шарвили лезгийрин лап алатай девиррин, яни дегьзаманрин чан алай сес хьиз, халкьдин муьтIуьгъ тежер руьгьдин гьунар хьиз, багьа я.
Фируза Вагьабова, филологиядин илимрин кандидат.
«Шарвили» — им халкьди вичи-вичиз, къведай несилриз эцигнавай гуьмбет я. Четин йисуз халкь хуьзвайди, суварин суфра абурлу ийизвай дуст, женгинин майдандал душман барбатIдай яракь, ислягь зегьметда галатун течир гъилер... Шарвили — жегьил-жаванрин машгьурвал, рушарин такабурлувал, бубайрин кар давамарун ва дидейрин даях.
Ризван Ризванов, писатель, таржумачи.
Шарвилидикай эсерри чпин фантазиядин кьакьанвилелди, тарихдин кьетIен риваятлувилелди, ватанпересвилин тербиялувилелди, фикирдин маналувилин этикадин тербия гуналди къенин юкъуз чун гьейранарзава.
Айбике Гъаниева, филологиядин илимрин кандидат.
«Шарвили» къенин чи халкьдин руьгьдин бине, чи девирдин лезгийриз чеб буш майдандал атай халкь яз ваъ, тарихдин гьерекатри, женгерини ислягь йикъари, тIебиатдин чIехи татугайвилерини берекатлу йикъари эбеди тестикьарнавай вичин культура датIана вилик физвай халкь яз къалурзавай зурба чешме, халкьдин къамат аквазвай гуьзгуь я.
Абдул Фетягъ, писатель, шаир.
«Шарвили» лезги халкьдин ивидин ярувални михьивал, адан вац1арин йигинвални дагъларин рехивал, чарчаррин кьакьанвални булахрин деринвал, яйлахрин иервални бубайрин гъилерин, дидейрин рикIерин чимивал я.
Зульфикъар Къафланов, шаир.
