Ингье, хъуьтIуьн эхиримжи варз тир феврални вичин ихтиярда гьатнава. Гьавадин жигьетдай ам гьихьтинди жеда? И суалдиз жаваб гзафбуру рикIерик теспачавал кваз гуьзлемишзавай.
Дагъустандин гидрометцентрдин начальник Поставик Петрди хабар гузвайвал, юкьван гьисабдалди и вацра гьавадин температура 1-3 градус чими жеда. Дагъдин ва дуьзенлухдин районра 0-2 градусдин мекьивал жеда. Им алатай гзаф йисарин и вацран гьавадин температура юкьван гьисабдалди кьурла са градусдин гзаф я.
Гьавадин виридалайни агъуз тир температура вацран сифтегьан паюна жеда. И йикъара йифен сятера 8-13 градусдин мекьивилер жеда, дагъдин ва дуьзенлух районра ам 15-20 градусдихъ агакьна мекьи жеда. Юкъуз температура 0-5 градусдин, дагъдин ва дуьзенлух районрани 3-8 градусдин мекьи жеда. Са бязи йикъара и вацра йикъан гьавадин температура 7-12 градусдал кьван, дагълух ва дагъдин ценерив гвай районрани 10-15 градусдин чими жеда. Къвалар асул гьисабдалди вацран кьвед лагьай паюна къвада ва абур гзаф йисарин нормадилай тIимил хьун гуьзлемишзава.
Хуьруьн майишатдин культураяр хъуьтIуьн секинвилик кваз амукьда. Багълара агротехникадин серенжемар кьиле тухун давамардай хъсан мумкинвилер жеда.
Санлай кьурла, и варз секин ва асантди жеда.
