№№7,8-2016 год

ТЕБРИК

Алай йисан 17-февралдиз Махачкъалада Дагъустан Республикадин Кьил Абдулатипов Рамазан Гьажимурадовичахъ галаз чи муниципальный райондин Кьил Абдулмуталибов Нариман Шамсудиновичан гуьруьшмишвал кьиле фена. И гуьруьшда Дагъустандин Гьукуматдин Председателдин заместитель – ДР-дин экономикадин ва сергьятдин рекьяй вилик тухунин министр Раюдин Юсуфова, Кьиблепатан сергьятдин округда ДР-дин Кьилин ихтиярар гвай векил Али Хасбулатова, ДР-дин Кьилин ва Гьукуматдин Администрациядин Руководителдин сад лагьай заместитель Алексей Гьасанова, ДР-дин хуьруьн майишатдин министр Мусафенди Велимурадова ва ДР-дин Халкьдин Собранидин депутат Гьамидулагь Исмаилова иштиракна.

11-февралдиз муниципальный райондин Кьил Нариман Шамсудинович Абдулмуталибов ДаркIуш къазмайрин хуьруьн поселенидин активдихъ галаз гуьруьшмиш хьана. Адахъ галаз администрациядин крар идара ийизвайди тир Рамазан Абдулазизов, РУО-дин начальник Индира Османова, хуьруьн майишатдин отделдин начальник Мегьамедзагьид Бабаев, дявединни зегьметдин ветеранрин Советдин председатель Абдулаким Гьажимурадов ва маса жавабдар къуллугъчияр, СМИ-дин векилар фенвай.

16-февралдиз «Сулейман-Стальский район» муниципальный райондин Кьил Нариман Шамсудинович Абдулмуталибова вичин кабинетда райондин информационный агентстводик акатзавай райондин сайтдин, «Куьредин хабарар» газетдин ва Кьасумхуьруьн телевиденидин журналистар, амай пешекарар кьабулна.

Райондин администрацияда Нариман Шамсудинович Абдулмуталибован регьбервилик кваз кьиле фейи совещанидал математикадин тарсар гунин ери хкажунин месэладиз килигна. Совещанидин кIвалахда РУО-дин начальник Индира Османовади, информационный агентстводин руководитель Жабраил Асланова, «Информационный методический центр» МБУ-дин директор Муминат Бабахановади, «ИМЦ» МБУ-дин методист Азим Азимова, школайрин директорри, математикадин муаллимри иштиракна.

Алай вахтунда Курхуьруьн Мирзекерим Рагьимован тIварунихъ галай сад лагьай нумрадин юкьван мектеб акьалтIарай жегьилрикай хейлин гадайрини рушари жуьреба-жуьре шегьеррин вузра кIелзава. Абурун жергеда Расулова Альфия Алисултановнани ава.

Дагъустан Республикада экономика мягькемарун, хуьруьн майишат вилик тухун, гьасилзавай суьрсет артухарун патал са шумуд программа ва проект кьабулнава, кардик акатнава. Абурукай сад «Нетижалу АПК-2016» проект я.

16-февралдиз Герейханован хуьруьн культурадин Дворецда авай библиотекада вичин вири савадлу уьмуьр агьалийриз культурадин жигьетдай къуллугъ авунин кардиз бахш авур тежрибалу культработник, бажарагълу руководитель, шаир, лезги писателрин ва РФ-дин журналистрин Союзрин член Жабраилова Зумрият Исабеговна рикIел хкуниз (ам 20I4-йисан I4-февралдиз регьметдиз фена) ва адан шииррин «Женнетдин багъ» цIийи ктаб презентация авуниз талукьарнавай мярекат кьиле фена. Ана иштирак ийиз регьметлудан багърияр, адахъ галаз гзаф йисара санал кIвалах авур юлдашар, къадим Дербент шегьердай багьа мугьманар, райондин яратмишдай интеллигенциядин, чкадин СМИ-дин векилар, хуьруьн школадин лезги чIалан муаллимар ва кIелзавай аялар атанвай.

Грипп – им хци, садакай-садак акатдай, нефес чIугвазвай органрай азарлудакай сагъ инсанрик акатзавай азар я. Гьар йисуз и азардик (гриппдик) гьар 3-5 лагьай аял, 5-10 лагьай чIехиди начагъ жезва. Азардин кьилин чешме гриппдикди начагъ инсан я. Абурун хаталувал абуру язавай уьгьуьдилай ва галай тумаврилай аслу я. Гзаф ва четиндиз азарлу жезвайбур инсанрин ихьтин къатар я: таза аялар хурудихъ галай ва кIвачел залан дишегьлияр; куьгьне (хронический) жигеррин, рикIин, дамаррин азарар квайбур, сахарный диабет, артухан куьквал (ожирение), дуркIунрин начагъвилер авайбур, 65 йисалай чIехи яшда авайбур ва масабур.

Алай йисан 9-11-февралдин йикъара Петрозаводск шегьерда женгинин самбодай Россиядин чемпионат кьиле фена. Вичин къаршидиз экъечIай 5 спортсмендин винел инанмишвилелди гъалибвал къачуналди, ана 90 килограммдин заланвиляй Кьасумхуьрелай тир Икрам Алискерова 1-чка кьуна, Россиядин чемпионвилин тIвар къачуна.