№2-2016 год

Къе виридаз ашкара тирвал, ХХ асирдин эхирра ва ХХI асирдин эвел кьилера дуьньядин тарихда тахьай хьтин, политикадин, миллетдин, диндин террор пайда хьанва. Гзаф чкайра, гьабурукай яз Дагъларин уьлкведа, чи райондани ам виридалайни чIехи, кар алай месэладиз элкъвенва.

Эхиримжи йисара терроризмдихъ ва диндин экстремизмдихъ галаз алакъалу тир гьерекатар артух хьуни чак виридак къалабулухвал кутазва.

Мукьвара Эминхуьре кардик квай «Аллахвердиев» лежбервилинни фермервилин майишатдин (КФХ-дин) механизатор Гьажимет Аллагьвердиев Дагъустан Республикадин Гьукуматдин Гьуьрметдин грамотадиз лайихлу хьана. Наградани адав «Сулейман-Стальский район» муниципальный райондин Кьил Нариман Шамсудинович Абдулмуталибова шад гьалара вахкана (шикилда).

Чи бубайрин крар, кьегьалвилер къенин несилдиз чешне къачудай хъсан чешме я. Заз агъадихъ жуван бубадикай куьруь суьгьбет ийиз кIанзава.

Райондин хуьруьн майишатдин карханайри, лежбервилинни фермервилин майишатри, арендаторри ва инвесторри, емишрихъ, салан майвайрихъ, техилдихъ, малдарвилин продуктрихъ галаз санал, эхиримжи йисара къарпузар, буранар ва суьрсетдин маса няметарни гьасилзава. Абурун арада нехуь кьетIен чка кьазва. Лагьана кIанда, бубайрин девиррилай гзаф менфятлу продукт яз гьисабзавай нехв битмишарзавай майишатар, кьилдин ксар Кьиблепатан Дагъустанда лап тIимил я.

Санлай акъвазун чин тийидай, гьамиша гьерекатдик квай вахт виликди физва. Идахъ галаз санал обществода, къурулушрани дегишвилер жезва. Хуьрерин къаматар къачуртIани гьакI я: абур йисандавай-суз чIехи, гуьрчег ва авадан жезва. Гьа са вахтунда, алай аямда инсанрин игьтияжарни артух жезва. Вири и рекьерай камаллу, гьуьрметлу ва зегьметдал рикI алай инсанар яшамиш жезвай чи райондани эхиримжи йисара дегишвилер кьиле фена.

Герейханован хуьруьн ДЮСШ-ди (директор Гьадис Гьадисов) Чуьхверхуьрел армспортдай филиал ачухна 10 йисалай виниз я. Ана Россиядин, Европадин ва дуьньядин чемпион, РФ-дин лайихлу тренер Малик Тагьирбегован гъилик спортдин и жуьредай вердишвилер къачузвай ва чпин устадвал хкажзавай жегьилри республикада, адалай къеце кьиле тухузвай Вирироссиядин ва международный турнирра, чIехи дережадин чемпионатра агалкьунар къазанмишзава. Мукьвара и филиалдай тир 25 спортсменди Дербент шегьерда абсолютный категориядай Дагъустанда сад лагьай чемпион, РФ-дин спортдин мастер Ш. Ш. Омарован призар патал республикадин кIвенкIвечивал патал тухвай акъажунра иштиракна.

Къазахстан Республикадин лайихлу тренер, спортдин мастер Абдулнасир Мегьамекеримов кьиле авай ва тежрибалу са шумуд тренерди кIвалахзавай Эминхуьруьн ДЮСШ-дихъ са шумуд хуьре филиалар ава, анра 200-далай виниз жаванри ва жегьилри азаддаказ къушахар кьунай вердишвилер къачузва.