№73-2015г.

1-декабрдиз, «Сад тир Россия» Вирироссиядин политический партия тешкилна 14 йис тамам хьайи юкъуз, Сулейман-Стальский районда агьалияр кьабулунин Сад тир югъ кьиле фена. Агьалияр Дагъустан Республикадин Халкьдин Собранидин депутат Гьамидуллагь Исмаилович Мегьамедова ва муниципальный райондин Кьил, и партиядин чкадин отделенидин секретарь Нариман Шамсудинович Абдулмуталибова кьабулна. Гуьруьшда гьакIни Сад тир Россия» партиядин чкадин отделенидин политсоветдин член Жабраил Агъамирзоевич Асланова, райадминистрациядин умуми отделдин начальникдин заместитель Тельман Сейфудинович Муталибова, райондин печатдин ва электронный информациядин такьатрин векилри иштиракна.

И йикъара муниципальный райондин Кьил Нариман Шамсудинович Абдулмуталибован рабочий кабинетда РУО-дин, культурадин отделдин, райондин информациядин агентстводин руководителри, райадминистрациядин жавабдар работникрин, диндин ва райондин СМИ-рин векилрин иштираквал аваз совещание кьиле фена.

30-ноябрдиз муниципальный райондин Кьил Нариман Шамсудинович Абдулмуталибован председателвилик кваз райадминистрацияда муниципалитетдин активдин заседание кьиле фена.

Гьам кIвалахзавай инсанрин кьадардал, гьам вич авай дараматрал гьалтайла Сулейман-Стальский райондин центральный больница Кьиблепатан Дагъустандин районра чIехибурукай сад я. Анин пешекарри неинки районда яшамиш жезвай 60 агъзур касдиз, гьакIни къунши районрин агьалийризни медицинадин рекьяй къуллугъзава.

Райондин И. Гь. Тагьирован тIварунихъ галай Россиядин халкьарин адетдин культурадин Центрадин банкетрин залда 30-ноябрдиз Виридуьньядин Дидейрин йикъаз талукьарнавай шадвилин чIехи мярекат кьиле фена. Аниз Игит дидейриз, гзаф аялар авай, гьакIни ватанпересвал къалурдайла, хиве авай буржи кьилиз акъуддайла телеф хьайи кьегьалрин дидейриз, районда социальный, здравоохраненидин, педагогикадин ва маса хилера гьакъисагъвилелди кIвалахзавай, гьакIни зегьметдин ветеранар тир дишегьлийриз теклифнавай. Абуруз тортар, ширинлухар, сокар ва маса няметар эцигнавай, цуькверивди безетмишнавай столрихъ чкаяр ганвай.

Мукьвара Махачкъалада, Урусрин драмтеатрдин гъвечIи залда гьукуматдин «Душа Дагестана» премиядин лауреатрин гала-концерт хьана. Лагьана кIанда, Вирироссиядин «Душа России» (2002-йисалай гузва) Госпремиядиз ухшамиш яз тайинарнавай и проект 2012-йисалай инихъ «Дагъустандин культура вилик тухун» госпрограммадин сергьятра аваз кьиле тухузва. Дагъустан Республикадин Кьил Рамазан Гьажимурадович Абдулатипован тапшуругъдалди цIинин йисалай и премиядихъ ДР-дин Гьукуматдин наградадин дережа хьанва.

(Вич дидеди хайидалай инихъ 45 йис тамам хьунихъ галаз алакъалу яз)

Рекьин къерехар, общественный чкаяр зирзибилдикай михьи авунин мураддалди районда «Касумкентсервис» ООО тешкилнава, ам хиве авай везифаяр кьилиз акъудунив эгечIни авунва.