Главная О районе Новости Деятельность
Карта
карта
Фотогалерея
Панорамы

№67-2015г.

29.10.2015
И йикъара «Сулейман-Стальский район» муниципальный райондин администрациядин заседанийрин залда Дагъустан Республикадин жегьилрин крарин рекьяй министерстводин «Жегьилрин инновационный центр» ГКУ-дин директор Ренат Мегьамедов ва анин отделдин начальник Фарман Меликов райондин жегьилрин активдихъ, общественный ва диндин организацийрин руководителрихъ галаз гуьруьшмиш хьана.
29.10.2015
Дагъустандин секинвал авай регионрикай сад яз гьисабзавай Кьиблепатан Дагъустандин районра эхиримжи йисара терроризмдихъ ва диндин экстремизмдихъ галаз алакъалу тир гьерекатар артух хьуни, са тахсирни квачир ислягь инсанрин чанариз къаст авунин бязи дуьшуьшри чак виридак къалабулухвал кутазва. И жигьетдай къайдаяр хуьдай органрихъ галаз санал С. -Стальский райондин судди абур чпин жазадив агакьарунин, гьакIни тагькимарунин профилактикадин кIвалах гужлу авуниз еке фикир гузва.
29.10.2015
- Алай йисуз райондин хуьруьн майишатдин карханайри, лежбервилинни фермервилин майишатри ва арендаторри 1987 гектардин майданрай 4678 тонн техил кIватI хъувуна, - лагьана чаз «Сулейман-Стальский район» муниципальный райондин хуьруьн майишатдин отделдин начальникдин заместитель Гьамидин Абдулкъафарова. – Алай вахтунда вири къуватар къведай йисан бегьер патал никIера тумар цунал желбнава. Санлай къачурла, районда 1800 гектарда тумар цун планламишнава.
29.10.2015
Эминхуьряй тир Алимет Аллагьвердиев (шикилда) районда тежрибалу уьзуьмчийрикай сад я. Дагъустандин хуьруьн майишатдин институт акьалтIарайдалай гуьгъуьниз ада саки 30 йисуз «Аламишинский» совхозда уьзуьмчивилин бригададин бригадирвиле, совхоздин кьилин агрономвиле кIвалахна.
29.10.2015
РикIел хъсандиз алама, уьлкведа перестройкадин гьерекатар башламиш жедалди КIварчагъ дередин кьуд хуьруькай ибарат яз хьайи «Коммуна» сов¬хоз, уьзуьмлухрин кьадардал ва вахчузвай бегьеррал гьалтайла, неинки районда, гьакI адалай анихъни вилик жергеда авай майишат яз гьисабзавай. И совхозди гьукуматдин план-тапшуругъар артухни алаз ацIурдай, куьгьнебурун чкадал цIийи уьзуьмлухар кутадай.
29.10.2015
Тарихдиз вил вегьейла (Куьре Меликакай ва ам яшамиш хьайи девирдикай бязи делилар)
29.10.2015
Мукьвара зи патав са таниш кас атана ва заз ада вичин шииррин ктаб багъишна. «- Вуна цIийиз акъатай ктабрикай газетриз макъалаяр кхьизвайди я, зи сифте ктабдикайни са хъсан рецензия-макъала кхьихь», - лагьана ада. Жувни яратмишунрин рекье авай кас яз, таниш касдин ктаб акурла, заз шадни хьана. Ктабни яцIу жилдер алаз акъуднава, ада 78 шиир, чебни гьар сад 10-18 бендиникай ибарат тирбур, гьатнава. КIвализ хъфейла, за ктабдай шиирар кIелиз башламишна. Гьарфар сад-садахъ акална гафар, гафар сад-садахъ акална цIарар, абуру бендер ва шиирар арадал гъанва. Гьайиф хьи, я са мана, гекъигунар, рифмаяр… заз «шииррай» жагъанач. Шиир кIелна куьтягь жезва, амма автордиз вуч лугьуз кIанзаватIа, кьил акъатзавач. Завай ктабдикай газетдиз гьич са цIарни кхьиз хьанач. Автор, гьелбетда, закай бейкеф хьана.
29.10.2015
Мукьвара Кстово шегьерда самбодай Россиядин Кубок патал акъажунар кьиле фена. Ана Кеферпатан Кавказдин федеральный округдин хкянавай командадик кваз ери-бине Кьасумхуьрелай тир, Махачкъалада къайдаяр хуьдай органра кIвалахзавай РФ-дин спортдин мастер, Универсальный женгерай Европадин чемпион Аслан Къурбановани иштиракна.
29.10.2015
Малум тирвал, алатай 2014-йис чи уьлкведа Культурадин йис яз кьиле фена. И йисуз чна Дагъустандин баркаллу рухвайрикай сад тир машгьур алим-тарихчи, марифатчи, шаир, чIехи арифдар чи районэгьли Алкьвадар Гьасан эфендидин 180 йис тамам хьунин юбилей гегьеншдаказ къейднай.
 
1
2
 
ALLDAG.ru